Монголын эрдэс баялгийн салбарын эмэгтэйчүүд гуравдахь удаагаа чууллаа. Энэ удаа тэд “Эмэгтэйчүүд хариуцлагатай уул уурхайг манлайлах нь” уриан дор цахимаар чуулж, уул уурхай, эрдэс баялгийн салбар дахь эмэгтэйчүүдийн асуудлыг олон талаас нь бүх түвшинд авч хэлэлцэв. Эрдэс баялаг-Эмэгтэйчүүд үндэсний гуравдугаар чуулган салбарын эмэгтэйчүүдэд жендерийн болон хариуцлагатай уул уурхайн ойлголт, мэдлэг өгөх, идэвхжүүлэх, урам зориг өгөх, чиглүүлэх зорилго дэвшүүлэн, “Хариуцлагатай уул уурхай”, “Эмэгтэйчүүдийн манлайлал”, “Компанийн сайн засаглал-нийгмийн нөлөөлөл” сэдэвт гурван хэсэг  салбар хуралдаанаас бүрдэв. Чуулганы үйл ажиллагааны нээлтэд Уул уурхай, хүнд үйлдвэрийн сайд Г.Ёндон, MERIT төслийн захирал Женнифер Адамс нар мэндчилгээ дэвшүүлж, төлөөлөгч бүсгүйчүүдэд баяр хүргэсэн. Чуулганаар “УИХ дахь хариуцлагатай уул уурхайн лобби бүлгийн туршлага, ололт, сургамж” сэдвээр УИХ-ын гишүүн асан, доктор А.Ундраа, “Өөрчлөгдөж буй ертөнцөд тэгш байдлыг тогтоох нь” сэдвээр Уул уурхай, хүнд үйлдвэрийн яамны Хүнд үйлдвэрийн бодлогын газрын ахлах шинжээч Т.Чимэгсанаа,  “Эрдэнэт үйлдвэрийн сайн туршлага” сэдвээр  “Эрдэнэт үйлдвэр” ТӨҮГ-ын Ерөнхий захирлын Санхүү, эдийн засаг хариуцсан орлогч Д.Үүрийнтуяа нарын есөн илтгэгчийн илтгэлийг хэлэлцэж, салбар тойрсон асуудлууд, эмэгтэйчүүдийн оролцоо, манлайллын талаар төлөөлөгч эмэгтэйчүүд санал бодлоо солилцлоо. Мөн уул уурхайн салбарын  эмэгтэйчүүдийн манлайлал сургалтад оролцов.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 3

  • Шинэ мэдээ