Өнөөдөр 17:30 цагийн аймгийн Онцгой комиссын мэдээллээр иргэн Г-ийн халдвар бүртгэгдсэнээс хойш 24 цагийн хугацаанд нийт батлагдсан тохиолдол 12 болсон талаар мэдээлэл өглөө. Тодруулбал иргэн “Г”, түүний ойрын хавьтлын 8 иргэн, “Эрдэнэт Үйлдвэр” ТӨҮГ-ын Ил уурхай, Баяжуулах үйлдвэр, Авто тээврийн цехүүдэд ажилладаг 3 иргэнээс халдвар батлагдаж нийт батлагдсан тохиолдол 12 болсон байна. 

 Одоогийн байдлаар Иргэн Г-тэй холбоотой ойрын хавьтал болох 84 иргэнийг илрүүлэн тусгаарласан. Мөн “Эрдэнэт Үйлдвэр” ТӨҮГ-ын ажилчидтай холбоотой 60 гаруй ойрын хавьтлыг илрүүлээд байгаагаас 59 иргэнийг Эрдэнэт сувиллын цогцолборт тусгаарлаад байна. 

Өвчлөл авсан 12 иргэн  халдвартын тасагт хэвтэн эмчлүүлж байгаа бөгөөд 11 иргэний  биеийн байдал хэвийн нэг иргэний биеийн байдал хүнд байна гэв. 

 3-р сарын 25 буюу өчигдөр 17:00 цагаас хойш аймгийн хэмжээнд түргэвчилсэн шинжилгээг 10300 иргэнд, PCR шинжилгээг 381 иргэнд хийгээд байгаа юм. 

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

  • Шинэ мэдээ