C°/C°
Өнөөдөр дэлхийн эмч нарын баярын өдөр тохиож байна. Баярын өдрийг тохиолдуулан цар тахлын хүнд нөхцөлд үүрэг гүйцэтгэж өргөсөн тангарагтаа үнэнчээр зүтгэж яваа эмч мэргэжилтнүүдэд аймгийн Засаг даргын гарын бэлгийг гардууллаа.
БОЭТ-ийн нийт хамт олон, удирдлагууд, шуурхай штабын хариу арга хэмжээний баг, тандалтын баг, өрхийн эрүүл мэндийн төвүүд, Ажиглан тусгаарлах байранд үүрэг гүйцэтгэж байгаа болон Авто замын шалган нэвтрүүлэх цэгт ажиллаж буй нийт эмч мэргэжилтнүүдэд хүндэтгэл үзүүлж, Орхон аймгийн ард иргэдийнхээ өмнөөс баярласан талархсанаа аймаг орон нутгийн удирдлагууд илэрхийлж байлаа.
Түүнчлэн аймгийн Засаг дарга С.Батжаргал БОЭТ-ийн хүний нөөц, дүрс оношлогооны их эмч тасгийн эрхлэгч нар аймаг орон нутгийн шагналаар шагнуулсныг гардуулан өглөө.
Тэргүүн фронтод ажиллаж байгаа эмч мэргэжилтнүүд маань өөрсдийн эрүүл мэндийг онцгой анхаарч, халдвар хамгааллын дэглэмээ барьж, хариуцлагатай байхыг сануулж байсан юм.
СЭТГЭГДЛҮҮД /0/