C°/C°
Аймгийн Онцгой комиссоос цаг үеийн нөхцөл байдлын талаар мэдээлэл өгдөг хэвлэлийн бага хурал өнөөдрөөс /04.01/ эхлэн дохионы хэлний хэлмэрч багш ажиллуулж эхэллээ.
Аймгийн хэмжээнд хөгжлийн дутмагшилтай 4300 гаруй иргэн байдаг бөгөөд эдгээрийн цөөнгүй хувийг сонсголын болон хэл ярианы дутмагшилтай иргэд эзэлдэг. Онцгой комиссын дэргэд дохионы хэлний хэлмэрч ажиллуулж эхэлснээр сонсголын болон хэл ярианы дутмагшилтай иргэд цаг үеийн мэдээ мэдээллийг тухай бүрт нь хурдан шуурхай авах боломж бүрдэж байгаа юм.
Түүнчлэн тусгаарлалтанд орсон, батлагдсан тохиолдол болсон иргэдэд сэтгэл зүйн зөвлөгөө өгөх төв НЭМТ-д ажиллаж эхэллээ. Хоёр сэтгэцийн эмч, дөрвөн сэтгэл зүйч ажиллаж байгаа бөгөөд 99258819 дугаарын утсанд холбогдож зөвлөгөө тусламж авах боломжтой юм.
СЭТГЭГДЛҮҮД /0/