Аймгийн Засаг дарга С.Батжаргал Жаргалант, Баян-Өндөр сумдын иргэдтэй хийх цахим уулзалт өнөөдөр Бүрэнбүст, Уртбулаг багийн иргэдтэй хийх уулзалтаар үргэлжиллээ.

Үүсээд буй нөхцөл байдлаас шалтгаалан иргэдийн санал хүсэлтийг сонсож, тэдэнд нэн шаардлагатай байгаа асуултад хариулт өгөх зорилготой цахим хуралд Бүрэнбүст, Уртбулаг багийн 80 гаруй иргэн холбогдлоо. Уулзалтад Орхон аймгийн Засаг дарга С.Батжаргал, Аймгийн Засаг даргын орлогч А.Түвшинжаргал, ТЗУХ-ын дарга Ш.Ганболд, ХЗА дарга С.Ганцогт, “Эрдэнэт Ус” ДТС ОНӨХК-ийн захирал Д.Бүүвэйбаатар нар оролцож иргэдийн асуултад хариулт өглөө.   Бүрэнбүст багийн нутаг дэвсгэрт байрлах Залуус, Саруул хотхоны иргэдээс гомдол санал ихээр ирж ойр орчны тохижилт болоод барилгын чанарын асуудалд гомдолтой байна. Үүнийг сэргээн засварлуулах арга хэмжээг авч өгөхийг хүсэж байлаа.

  Гэмт хэрэг, аюул ослоос урьдчилан сэргийлэх хүрээнд багийн нутаг дэвсгэрт камержуулалт шаардлагатай талаар ярьж байлаа. Үүнд аймгийн Засаг дарга С.Батжаргал энэ жил Орхон аймгийн 14 багт 1,3 тэрбум төгрөгийн камержуулалтын ажил хийгдэнэ. Үүний дотор дугаар илрүүлэгчтэй камер суурилуулахаар төлөвлөж байгаа гэдгийг онцоллоо.

  Түүнчлэн байшин хорооллын хувьд орцны ариутгал, цэвэрлэгээ муу, СӨХ-д ажлаа чанаргүй гүйцэтгэж байгаа талаар, авто машины зогсоолын дутагдалтай тул нэмэгдүүлэх шаардлагатайг, гадна талбайн камержуулалт, дээвэр засвар зэргийг нэн тэргүүнд хийх шаардлагатай байгаа гэдгийг хэлж байлаа.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0