Аймгийн Онцгой комиссын шуурхай штаб цаг үеийн нөхцөл байдлаас шалтгаалан шуурхай хуралдаан зохион байгууллаа.

Аймгийн хэмжээнд коронавирус/covid19/ -ын тархалт эрчимтэй нэмэгдэж байгаа бөгөөд голомт тодорхойгүй халдварууд илэрсээр байгаа.

Энэ эрчим буурахгүй цааш нэмэгдвэл ирэх 7 хоногт 125, түүний дараагийн долоо хоногт 200 гаран халдварын тохиолдол бүртгэгдэж цаашид энэ тоо улам нэмэгдэнэ гэдгийг аймгийн ЭМГ болон Онцгой комиссын дэргэдэх эрүүл мэндийн зөвлөхүүд анхааруулсаар байна.

Иймд хөл хөдөлгөөнийг хязгаарлаж, олны бөөгнөрөл үүсгэхгүй үүднээс томоохон худалдаа үйлчилгээний төвүүд, байгууллага ААН-үүдийн үйл ажиллагааг хязгаарлах шийдвэрийг гаргалаа.

“Баян-өндөр” сумын засаг даргын 2021.04.11 ны өдрийн А/73 тоот захирамжаар дараах байгууллагын үйл ажиллагааг 4-р сарын 25 ныг дуустал түр хязгаарлах шийдвэр: 
1. Фото зургийн студио, зурагчин
2. Үсчин, гоо сайхан 
3. Гоо сайхны барааны худалдаа, үйлчилгээ 
4. Бүх төрлийн бэлэн хувцасны үйлчилгээ
5. Цахилгаан барааны худалдаа үйлчилгээ
6. Автомашин угаалга
7. Гар утас засвар, худалдаа
8. Саун, бариа засал 
9. Барьцаалдан зээлдүүлэх үйлчилгээ
10. Үзвэр үйлчилгээ
11. "Hi mart" "Номин" Супермаркетын Мөн Номин агуулах, “Есөн-Эрдэнэ”, “Ачит”, “Хүлэг” зах, Хүрэн булаг, “Энх төв” Баян, Төгөл, Эрдэнэт их дэлгүүр, Үйлчилгээний төв, Оч хүүхдийн их дэлгүүр ,Даниста, Арвин ургац, ногооны бөөний төв, Мэнд-Амар, Хийморь, Сонор хайрхан төвүүдийн үйл ажиллагааг түр зогсоолоо.

8 нэрийн болон 6 нэрийн хүнсний дэлгүүрүүд 08:00 цагаас 20:00 цаг хүртэл ажиллах бөгөөд дээр дурьдсанаас бусад үйл ажиллагаа хэвийн явагдана

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0