Өнгөрсөн 7-р сард зохион байгуулагдах байсан элсэлтийн ерөнхий шалгалт цар тахлын улмаас хойшлогдож энэ сарын 19, 20, 21, 22-ны өдрүүдэд улс даяар нэгэн зэрэг зохион байгуулахаар болсон.

     Элсэлтийн ерөнхий шалгалт эхлэхтэй холбогдуулан 12 дугаар анги төгссөн сурагчдыг гэртээ байх, гадуур гарахгүй байх, халдвараас өөрсдийгөө хамгаалах талаар заавар зөвлөмжийг сургуулийн захиргаа, багш нараар дамжуулан хүргэж байна.

      2021 онд аймгийн хэмжээнд Насан туршийн боловсролын төвийн 14, ЕБС-ийн 1234 нийт 1248 сурагч бүрэн дунд боловсрол эзэмшин төгссөн. Үүнээс насан туршийн боловсролын төвийн  14, ЕБС- ийн 53 нийт 67сурагч элсэлтийн ерөнхий шалгалт өгөхгүй.  Иймд энэ жил Ерөнхий боловсролын сургуулийн 1181 сурагч, өмнөх оны 256 шалгуулагч нийт 1437 шалгуулагч ЭЕШ-д хамрагдана.

     Өмнөх жилүүдэд элсэлтийн ерөнхий шалгалтыг ерөнхий боловсролын 4-р сургууль дээр зохион байгуулдаг байсан бол энэ жил 5-р сургуульд мөн элсэлтийн ерөнхий шалгалтыг зохион байгуулахаар бэлтгэл хангаж байгаа гэлээ.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 1

  • Шинэ мэдээ