Аймгийн Онцгой комиссын 2021 оны 8 дугаар сарын 6-ны өдрийн XIX хуралд Баар, караоке, ПС тоглоом, үзвэр үйлчилгээний газруудын үйл ажиллагааг явуулахад хяналт шалгалт хийх ажлын хэсэг байгуулагдсан. Ажлын хэсэг үйл ажиллагаа явуулах хүсэлт ирүүлсэн ААН-дэд дараах шалгуур үзүүлэлтийг тавьж шаардлага хангасан газруудыг нээн ажиллуулахаар болсон. 

1. Тухайн салбаруудын болон өмнөх захирамжаар хориглосон байсан аж нэгжийн  үйл ажиллагаанд эрсдэлийн үнэлгээ хийх; 

2. Ажилтан албан хаагчид дархлаажуулалтын бүрэн тунд 100 хувь хамрагдсан байдалд судалгаа хийх;

3. Ажлын байрны төлөвлөлт, зай хэмжээний зохион байгуулалт шаардлага хангасан эсэх;

4. Үйлчилгээний болон ажлын байрны агааржуулалт;  

Үйлчлүүлэгч нарын хяналт бүртгэлийн системийн автоматжуулалтыг хангасан эсэх гэх мэт... шалгуур үзүүлэлтээр аж ахуйн нэгж, байгууллагуудын үйл ажиллагаанд үе шаттайгаар хяналт шалгалт хийх ажлын хэсгийг байгуулж гарсан дүгнэлтийг үндэслэн үйл ажиллагааг нээх талаар шийдвэр гаргасан. Өнөөдрийн байдлаар Орхон аймагт гурван баар үйл ажиллагааг эхлүүлсэн бол караоке баарны үйл ажиллагааг лоунж хэлбэрээр ажиллуулах зөвшөөрөл олгосон байна. Тодруулбал дуу, дуулж хөгжим тавихгүй зөвхөн сууж уух зүйлс болон  хоолоор үйлчлүүлэх гэсэн хязгаарлалтай юм байна. Харин спорт заалын тухайд заалаа нээх зөвшөөрөлөө буюу хүсэлтээ ирүүлэх ёстой. Одоогоор нэг ч спорт заал хүсэлтээ бидэнд ирүүлээгүй байна. 

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0