C°/C°
9 дүгээр сарын 1-ний өглөө цэцэрлэг сургуулиудын 2021-2022 оны хичээлийн шинэ жилийн нээлт боллоо. Нээлтийн үйл ажиллагаанд энэ жил шинээр сургуульд элсэн суралцаж байгаа 1-р ангийнхан болон ирэх хавар сургуулиа төгсөх 12-р ангийн сурагчид халдвар хамгааллын дэглэмээ баримтлан оролцлоо.
Орхон аймгийн Засаг дарга С.Батжаргал Шанд багийн 17-р сургуулийн хичээлийн шинэ жилийн нээлтийн үйл ажиллагаанд оролцсон.
Тус сургуульд энэ жил Даваат, Шанд багуудын 110 хүүхээд шинээр 1 дугаар ангид элсэн суралцаж байна.
2021-2022 оны хичээлийн жилд төрийн өмчийн 29, хувийн хэвшлийн 10 нийт 39 цэцэрлэг үйл ажиллагаа явуулна.
Тэдгээрт нийт 1203 багш, ажилтан ажиллахаас 322 бүлгийн багш, 32 дуу хөгжмийн багш, 3 биеийн тамирын багш, 313 туслах багш, 533 удирдах болон туслах ажилтан сургалт хүмүүжлийн ажиллагааг удирдан зохион байгуулна.
Харин төрийн өмчийн 18, хувийн хэвшлийн 6 нийт 24 ерөнхий боловсролын сургуульд нийт 1758 багш, ажилтан сургалт хүмүүжлийн ажлыг удирдан зохион байгуулах ба үүний 1161 нь үндсэн багш 597 нь удирдах болон бусад ажилтан байна.
Энэ хичээлийн жилд Орхон аймгийн хэмжээнд 1 дүгээр ангид 2400 гаруй сурагч элсэн суралцаж байгаа бол ЕБС-д нийт 23700 гаруй сурагч суралцана.
СЭТГЭГДЛҮҮД /0/