Орхон аймагт өнөөдрийн байдлаар орон сууцны нэгдүгээр давхарт зөвшөөрөлтэй, зөвшөөрөлгүй баригдсан 1600 орчим өргөтгөлийн барилга байгааг судлажээ. 2015 оноос өдий хүртэл нэгдүгээр давхарт өргөтгөл барих зөвшөөрлийг 50 ААН-д өгсөн бол үлдсэн нь  ямар нэгэн зөвшөөрөлгүйгээр орон сууцаа сунгасан байна. Ийнхүү өргөтгөл, сунгалт хэрээс хэтэрч үгэнд орохгүйгээр үйл ажиллагаа явуулж оршин суугчдын эрх ашгийг зөрчих цаашлаад холболт буруу хийснээс болж халаалт дулааны алдагдал хүлээх зэрэг зөрчлүүд олноор гарч байгаа учраас албадан нураах ажлыг эхлүүлэхээр болсон байна. 
Эхний ээлжид 1,2,3 дугаар хорооллыг шалгахад 460 орчим өргөтгөл байна гэсэн тоо гарчээ. Үүнээс 170 нь үйлчлгээний зориулалтаар ашиглахаар гэрийнхээ тагтнаас гадагш  хаалга, шат гаргасан бол үлдсэн нь нийтийн эзэмшлийн талбай руу өргөтгөл барьжээ.

Эдгээр өргөтгөлөөс инженерийн шугам сүлжээ, дулааны хоолойн дээр баригдсан, эсвэл ноцтой зөрчилтэй өргөтгөлийн барилгын тоог гаргахад  эхний ээлжинд 56 өргөтгөл байгааг судласан байна. Эдгээр өргөтгөлүүдэд анхааруулах сануулах хуудас хүргүүлж нураалгах юм.Хотын инженерийн шугам сүлжээ, салбар шугам дээр өргөтгөл барьсан иргэн аж ахуй нэгжид мэдэгдэл хүргүүлжээ. ИШС салбар шугамууд насжилт дуусаж аваарийн байдалтай байгаа, иргэдийн аюулгүй амьдрах орчин нөхцөлийг бүрдүүлэх, хангах шаардлагатайг бодолцон үзэж заасан хуулийн хугацаанд асуудлыг шийдвэрлэхийг хүсчээ.  Хэрвээ нураахгүй бол албадан нурааж гарсан зардлыг иргэнээс төлүүлнэ гэв. Цаашид орон сууцны нэг давхарт үйл ажиллагаа явуулж байгаа өргөтгөлтэй газруудад нарийвчласан дүгнэлт хийж үе шаттай арга хэмжээ авч ажиллана гэж Хотын захирагчийн албаны дарга С.Ганцогт мэдээллэв.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0