Сангийн яамнаас 21 аймгийг “Шилэн данс” –ны хэрэгжилт хэр байгаа талаар нь эрэмбэлэхэд Орхон аймаг “Сайн” үнэлгээг 3 дахь жилдээ  авчээ. Өөрөөр хэлбэл, 97.6 хувийн гүйцэтгэлтэй гарсан байна.

Түүнчлэн Орхон аймаг “Шилэн данс” –ны талаар иргэдэд мэдээлэл хүргэх зорилгоор аймаг, орон нутаг жил бүр мөнгө төсөвлөж хэвлэл мэдээллийн байгууллагаар дамжуулан сурталчилдаг байна. Үүнийг Сангийн яамнаас сайшааж цаашид цахимаар дамжуулан иргэдэд мэдээллийг илүү хүртээмжтэй хүргэж байхыг зөвлөжээ.

 Орхон аймагт Сангийн яамны “Шилэн данс”-ны бүртгэлд тайлан мэдээллээ тайлагнадаг төрийн 86 байгууллага бий. Уг мэдээллийг тайлагнадаг нягтлан бодогч нарт  зориулж Сангийн яамнаас аймгийн Төрийн хяналт, аудитын албатай хамтран сургалт зохион байгуулдаг уламжлалтай.

Сургалтын үеэр нягтлан бодогчдод тулгамддаг зарим асуудал болон зөрчлийг арилгуулах чиглэлээр мэдээлэл хийж заавар, зөвлөгөө өгсөн юм.  Тухайлбал, нягтлан бодогч нар төсвийн хөрөнгөөр гүйцэтгэсэн ажил үйлчилгээний зардал, мэдээллийг оруулахдаа дутуу бичих, тайлагнах хугацаагаа хэтрүүлэх тохиолдол их гардаг ажээ. Иймд “Шилэн данс”-д мэдээллээ оруулаагүйгээс болж төсвийн ил тод байдал алдагддаг тул цаашид алдаа гаргахгүй байхыг Сангийн яамнаас анхаарууллаа

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 1

  • Шинэ мэдээ