C°/C°
Ковид19 халдварын дельта хувилбарын дэгдэлттэй холбоотойгоор "Жирэмсэн эмэгтэйчүүдийн өвчлөл ба дархлаажуулалт" сэдвээр ЭМЯ-наас мэдээлэл өгсөн бөгөөд энэ үер мөн орон нутагт халдварын хүндрэлийн улмаас жирэмсэн эмэгтэйчүүд нас барсан харамсалтай мэдээллийг танилцууллаа. Орхон аймагт өнгөрөгч долоо хоногт 36 настай жирэмсэн эмэгтэй халдварын хүндрэлийн улмаас амь насаа алдсан бөгөөд тэрээр дархлаажуулалтын тундаа хамрагдаагүй байсан байна.
Өнөөдрийн байдлаар 6100 орчим жирэмсэн эмэгтэй, 5000 гаруй хөхүүл эх төрсний дараа дархлаажуулалтад хамрагдсан нь зорилтот бүлгийн 15-хан хувийг эзэлж байгаа аж.
Энэ талаарх дэлгэрэнгүй мэдээллийг Өргөө амаржих газрын эмч С.Цэрэнсамбуу энэ үер өглөө Тэрээр "Амаржих газруудад улаан бүс буюу халдвартай ээжүүдэд зориулсан тасаг нээсэн. Өргөө амаржих газрын хувьд 80 ортой улаан бүсийн тасаг нээсэн.
Зүрх судасны өвчин, таргалалт, бөөрний архаг үрэвсэл, таргалалт, чихрийн шижин зэрэг эрхтэн тогтолцооны эмгэгтэй эхчүүд зүрхний судасны дутагдалд орж байна. Тиймээс жирэмслэлтийг эрт шийдэх шаардлага үүсэж байгаатай холбоотой кесарево хагалгаа болон дутуу төрөлт ихсэж байна. Тиймээс эхчүүдийг Ковид19-ийн дархлаажуулалтад хамрагдахыг уриалж байна.
Түүнчлэн жирэмсэн эмэгтэйчүүдийг халдвараас хамгаалах хамгийн гол арга нь дархлаажуулалт болохыг ЭМЯ-наас анхаарууллаа. Тодруулбал, "Дархлаажуулалтад хамрагдсанаар дельта хувилбараас тодорхой хэмжээнд хамгаалж болно. Жирэмсэн эмэгтэйчүүд халдвар авсан тохиолдолд хүндрэл, эндэгдлээс сэргийлэхээр ЭМ-ийн сайдын тушаалаар сайн дурын үндсэн дээр дархлаажуулалтад хамруулж байгаа.
Дархлаажуулалтад хамрагдсан хувь бага байгаа нь эрсдлийг улам нэмэгдүүлж байна. Халдварын нөхцөл байдалтай холбоотойгоор эхийн эндэгдэл нэмэгдсэнээр 100 мянган амьд төрөлтөд ногдох эхийн эндэгдэл нэмэгдэх хандлагатай болсон. Тиймээс нийт жирэмсэн эмэгтэйчүүд, шинэ төрсөн ээжүүдээ дархлаажуулалтад хамрагдахыг уриалмаар байна" гэв.Орхон аймагт энэ хугацаанд 100 гаруй жирэмсэн эмэгтэйчүүд халдвар авч хүндрэл үүссэны улмаас яаралтай эмчилгээ үйлчилгээ авсан бөгөөд дархлаажуултанд хамрагдсан жирэмсэн болон хөхүүл ээж нарын хүндрэл харьцангуй бага гарсныг тархвар судлаач С.Уранчимэг онцоллоо.
СЭТГЭГДЛҮҮД /0/