Төв зам дагуух газар шорооны ажлаас улбаатай хэдэн сар усгүй байсан иргэд устай залгаж хөөр баяр болохтой зэрэгцэн Холбооны уулзвараас эмнэлэг тийш өгсдөг замыг хааж энд тэнд зам сэтлэж замбараагүй байдал дахин үүсгэсэнд иргэд бухимдлаа илэрхийлж эхэллээ. “Их Мандал” төвийн эргэн тойрон дахь шороон далан, зургаадугаар бага сургуулийн баруун талын зам дагасан ухсан нүх гол нь хичээл сургууль эхэлсэн энэ цаг үед хүүхэд гүйж харайж яваад бүдэрч унаж гэмтэх аюултай байгааг иргэд сануулсаар...  Зунжингаа төлөвлөлтгүй ажилласан төв зам дагуух бүтээн байгуулалт ногоон байгууламжид харгис хэрцгий хандаж 45 жилийн настай эрүүл амьсгалах модыг хядаж нөхөн сэргээлт хийх эсэх нь тодорхойгүй болгож орхисонд, мэргэжлийн хүмүүсээр багаа бүрдүүлээгүй цаг хугацаа алдсан зэрэг олон шүүмжлэл уг бүтээн байгуулалтыг дагаж буй. Зам хаах нээх мэдээллээ олон нийтэд түгээхгүй нэг ажлаараа нөгөө ажлыг баллаж буйд Зэст багийн иргэд төдийгүй Эрдэнэтчүүд бухимдлаа цахим орчинд илэрхийлж эхэллээ. Дулаан өгөх хугацаа болчихсон гэдгээр халхавч хийн яарч даарсан хөнгөн хуумгай ажил хийчих вий гэсэн давхар  болгоомжлол байгааг ч тэд нуусангүй. Цахилгааны хязгаарлалт хийж эмнэлэгийн орчныг аюултай нөхцөл байдалд оруулсан зэрэг хариуцлага нэхэх асуудлууд цөөнгүй гарчээ. Хүн хүчний хомсдолтой компанид 46 тэрбум төгрөгний ажил даалгадаг захиалагч компани өөрөө  хариуцлага нэхэж шахаж шаардаж чадахгүй суугаа нь юуных бэ?Зам хааж зам сэтлэж эргээд нөхөн сэргээлт хийхгүй хаяад явбал Эрдэнэтчүүд зүгээр өнгөрөхгүй шүү гэдгийг сануулчихая. 

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 3

  • Шинэ мэдээ