Орхон аймгийн хэмжээнд өнөөдрийн байдлаар нийт 738 бүлгээс 40 -50 орчим бүлэг цахим хэлбэрт шилжсэн бөгөөд энэ нь халдвар гарсны улмаас танхимын хичээл түр засварласан байна.

Танхимын сургалтыг бүрэн цахимд шилжүүлэх хүсэлт гаргасан сургууль байхгүй эцэг эхчүүдийн хүсэлтэнд тулгуурласан цахим хэлбэрт шилжсэн сурагчид нийт суралцагчдын 20 хувийг эзлэж байгаа аж. Ихэвчлэн 1-5 ангийн сурагчдыг эцэг эхчүүд цахим сургалтыг сонгон гэдгээ уламжилжээ.СӨБ буюу цэцэрлэг өнөөдрийн байдлаар 8 цэцэрлэгт 20 гаран анги бүлэг танхимын хичээлийг түр хязгаарласан байна.

Дараах тохиолдолд танхимын сургалтыг зогсоож, долоо хоногийн хугацаатай зайн сургалтад шилжүүлж байна. Үүнд: 

• Covid-19-ийн эсрэг вакцинд хамрагдаагүй 12-оос доош насны хүүхэдтэй нэг бүлгээс халдварын тохиолдол батлагдах нөхцөлд тухайн бүлгийн,

• Covid-19-ийн эсрэг вакцины бүрэн тунд хамрагдсан 12 ба түүнээс дээш насны хүүхэдтэй нэг бүлгийн гурав ба түүнээс дээш хүүхэд халдвар авсан тохиолдолд тухайн бүлгийн,

• Өөр хоорондоо хамааралгүй гурав болон түүнээс дээш анги, бүлэгт халдвар бүртгэгдсэн тохиолдолд тухайн давхар, хэсэг (жигүүр) эсхүл хичээлийн байранд (өвчлөл гарсан анги, бүлгийн байршил болон хичээлийн байраас хамаарч корпусыг хаах) хичээллэж байгаа анги бүлгийн,

• Өөр хоорондоо хамааралгүй (нэг жигүүр, нэг давхар биш, анги болон багш солигддоггүй) гурав ба түүнээс дээш анги, бүлгийн дотор халдварын тохиолдол батлагдсан нөхцөлд сургуулийн танхимын сургалтыг зогсоож, долоо хоногийн хугацаатай зайн сургалтад шилжүүлж буй юм байна.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0