2021 оны хийх ажлын жагсаалтанд багтсан 700 сая төгрөгийн хөрөнгө оруулалтаар 13 багийг хамарсан камержуулалт хийх ажил энэ хавар ажил нь эхэлсэн бөгөөд өнөөдрийн байдлаар ажлыг гүйцэтгэл  газар шорооны ажил бүрэн  дуусч камер суурьлуулах ажил эхэлсэн байна. Камерыг нийтийн эзэмшлийн гудамж талбай, хүн урсгал ихтэй хэсгүүдэд голчлон хийдэг бөгөөд багийн ажлын алба, цагдаагийн хэсгээс ирүүлсэн судалгааг үндэслэн камерыг суурьлуулах юм байна. Түүнчлэн  мэдээлэл шуурхай удирдлагын төвөөс үйл ажиллагаандаа автомашины дугаар танигчтай камер, хиймэл оюун ухаанд суурилсан програмыг нэвтрүүлэхээр төлөвлөжээ. Энэ нь хүнийг бүх талаас нь ямар ч нөхцөлд таних чадвартай, гэмт хэргийг илрүүлэх, урьдчилан сэргийлж ажиллахад чухал ач холбогдолтой гэж үзсэн байна. 

Иргэд мэдээлэл шуурхай удирдлагын төвд нийтийн эзэмшлийн гудамж талбай,  авто зам, хүн урсгал төвлөрсөн хэсгүүдийн камерыг шүүлгэх боломжтой. Харин орон сууцны байр, орц доторх камерыг СӨХ хариуцдаг байна. Ирэх онд баталгаат хугацаа дуусаж, солих шаардлагатай камеруудыг  засварлах, шинэчлэх, хүүхдийн тоглоомын талбай, автобусны буудалтай хэсгүүдийг үе шаттай камержуулахаар төлөвлөжээ.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0