C°/C°
УИХ-ын гишүүн Д.Батлут нэр бүхий зургаан гишүүнтэй хамтран Зөрчлийн тухай хуулийн төслийн шинэчилсэн найруулгыг санаачилсан. Хуулийн төсөлд зөрчил гаргасан иргэнийг шууд торгох бус сануулдаг байх, 0-3 насны хөхүүл хүүхэдтэй эмэгтэйд баривчлах шийтгэл оногдуулахгүй байх зэргийг оруулжээ. Ингэснээр зөрчлийн хуулиар иргэдэд учирдаг чирэгдэл, дарамтыг багасгах зорилготой аж. Хуулийн төслийг УИХ-ын намрын чуулганаар хэлэлцүүлэхээр болоод байгаа юм.
Хуулийн төслийг санаачилсан гишүүд нэг буруутай үйлдлийн төлөө давхар шийтгэл оногдуулах, шийтгэлийн төрлүүдийг зэрэгцүүлж хэрэглэхийг зогсоох тухай боловсруулжээ. Жишээлбэл, “согтууруулах ундаа хэрэглэсэн үедээ тээврийн хэрэгсэл жолоодсон бол жолоодох эрхийг нэг жилийн хугацаагаар хасна” гэж өөрчилсөн байна.Тэрээр хуулийн төслүүд ажиллаж чамгүй туршлага хуримтлуулаад байгаа юм.
СЭТГЭГДЛҮҮД /0/