2021-2022 оны хичээлийн шинэ жил эхлээд хоёр сарын хугацаа өнгөрчээ. Мөн хугацаанд ЕБС-ийн сурагчид болон оюутнууд цахим болон танхим хосолсон хэлбэрээр хичээллэж буй юм. Мөн 4-5 настай хүүхдүүд цэцэрлэгтээ явж эхэлсэн. Харин 2-3 насны хүүхдүүдийн суралцах, хөгжих эрх нь хязгаарлагдаж, төрсөн цагаасаа хойш дөрвөн хананы дунд “түгжигдэж” байна хэмээн эцэг эхчүүд бухимдаж байгаа юм.

Тэгвэл УОК-ын шуурхай штаб, Онцгой байдлын Ерөнхий газар, ЭМЯ, БШУЯ, МХЕГ, ХӨСҮТ, Нийгмийн эрүүл мэндийн хүрээлэн зэрэг мэргэжлийн байгууллагуудаас бүрдсэн ажлын хэсэг сургуулийн өмнөх боловсролын байгууллагын коронавируст халдварын эрсдэлийн үнэлгээ хийж байгаа талаар БШУЯ-наас өмнөх долоо хоногт мэдээллэсэн. Орхон аймгийн хувьд яамнаас ирсэн шийдвэр хүлээх учир бэлтгэл ажлаа хангаад буй талаар БСУГ-аас мэдээллэсэн. БШУЯ-аас цэцэрлэгийн 2-3 настай хүүхдүүдийг цэцэрлэгт хамруулах хүсэлтийг хүргүүлсэн. Үүний хүрээнд 11 дүгээр сарын 3 буюу ирэх лхагва гарагт Засгийн хуралдаанаар шийдвэр гарч, зөвшөөрсөн тохиолдолд  энэ сарын  өдрөөс эхлэн хүүхдүүдээ авч эхлэх талаар яригджээ. СӨБ-ын байгууллагуудын тухайд бэлтгэл ажил хангах үүднээс 2-3 настай хүүхдүүдийнхээ бүртгэл мэдээллийг авч эхэлсэн байна.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 1

  • Шинэ мэдээ