Орхон аймгийн хэмжээнд Гэмт хэргээс урьдчилан сэргийлэх, зохицуулах зөвлөл гэж бий. Жил бүр төлөвлөгөө боловсруулан ажилладаг тус зөвлөлийн зарим чиг үүргийн байгууллагууд ямар ажлууд хийсэн, хийхээр төлөвлөж байгаа талаар Онцгой байдлын газрын Гамшгаас хамгаалах Улсын хяналтын Ахлах байцаагч Х.Баатарзоригтой ярилцлаа.

-  Гэмт хэргээс урьдчилан сэргийлэх, зохицуулах зөвлөлөөс 2021 онд онцлох ямар ажлууд хийв?

- Аймгийн гэмт хэргээс урьдчилан сэргийлэх салбар зөвлөлтэй аймгийн Онцгой байдлын газар жил бүр хамтран ажилладаг. Хамтран ажиллах хүрээнд ажлын төлөвлөгөөнд тодорхой ажлуудыг тусгаж, хэрэгжилтийг тайлагнаж ирсэн. Энэ жилийн ажлын төлөвлөгөөнд манайхаас 2 ажил тусгасан. Нэгд, “Устгал 2021” нэрийн дор сэтгэцэд нөлөөтэй ургамлын устгал хийх ажлын хүрээнд энэ оны 07 дугаар сард устгал хийсэн. Хоёрдугаарт, Гамшиг осол болон гал түймрээс урьдчилан сэргийлэх чиглэлээр Монгол Улсын Шадар Сайд болон Онцгой байдлын Ерөнхий газар, аймгийн Засаг дарга, Онцгой байдлын газраас баталсан удирдамжийн дагуу ажиллалаа. Аймгийн хэмжээнд нийт 305 аж ахуйн нэгж, байгууллагад шалгалт хийж, 275 зөрчил дутагдал илрүүлэн, 899 зөрчил арилгасан. Мөн гэр хорооллын айл өрхүүдэд галын аюулаас урьдчилан сэргийлэх үзлэг, зөвлөмж, зөвлөн туслах үйлчилгээг Онцгой байдлын газраас хэрэгжүүлэн ажилладаг. Энэ жилийн тухайд холбогдох мэргэжлийн байгууллагуудтай хамтран 3 удирдамжийн хүрээнд хэрэгжилтийг ханган ажилласан. Монгол Улсын шадар Сайдын баталсан эрчим хүч, ус, дулааны салбарын тогтвортой үйл ажиллагаа, айл өрхийн гал түймрийн аюулгүй байдлыг хангуулах удирдамж, “ЭБЦТС” ТӨХК-тай хамтарсан ажил, Онцгой байдлын Ерөнхий газрын Тэргүүн дэд даргын 2021 оны 2/156 үүргийн хэрэгжилт, Монгол Улсын Шадар Сайдын баталсан хуурайшилтын ажилтай холбоотой үзлэг шалгалтыг зохион байгуулсан. Нийт 2647 айл өрхөд шалгалт хийж, газар дээр нь 599 зөрчлийг арилгуулсан.

- Газар дээр нь 600 орчим зөрчил шийдвэрлэсэн гэж та хэллээ. Тэгвэл иргэд, айл өрхийн гаргадаг гол зөрчил нь юу байдаг вэ?

- Цахилгаан утасны гэмтэл, холболт, хэт ачаалал үүсэхэд гарч болзошгүй зөрчил, дутагдал түгээмэл байна. Мөн хог хаягдлаа ил задгай асгах, бага насны хүүхдийг хараа хяналтгүйгээр, гэрт нь цоожилж орхих, өвлийн улиралд галлагаатай холбоотой зөрлүүд гардаг.

- Иргэд сэрэмжлүүлгийг хэр сайн хүлээн авдаг вэ? Та бүхний хийж байгаа ухуулга, сурталчилгааны үр дүнг тооцох тал дээр?

- Онцгой байдлын газраас нийт алба хаагчдад зохих хэмжээний сургалт явуулдаг. Ямар ажлаар, юу хийж яваагаа алба хаагч нар маань мэддэг байх ёстой. Мэдээж эхлээд үнэмлэхээ үзүүлж, нөхцөл байдлыг хэлнэ. Үүнд зарим иргэд бухимдалтай ханддаг ч уйгагүй тэмцэх нь бидний үүрэг юм. Гарсан зөрчлийг анхааруулж, тухайн иргэний амь нас, эрүүл мэндэд учирч болзошгүй эрсдлээс хамгаалж байгааг л сайн ойлгуулахыг хичээдэг.

 Цар тахлын үед олон нийтэд ажлаа хэрхэн хүргэж ажилласан бэ?

- Хүмүүсийн ухамсар жилээс жилд сайжирч байгаа нь тоон үзүүлэлтээс илүүтэй харагддаг. Гал түймрийн тоо буурсан үзүүлэлттэй гарах болсон нь бодит ажлын үр дүн гэж хэлж болох юм. Өнгөрсөн оны мөн үетэй харьцуулахад 13,1 хувиар буурсан байна. Цар тахалтай холбогдуулан цахим хэлбэрээр зар сурталчилгаа, зөвлөгөө зөвлөмж, шторк бэлтгэн хүргэсэн.

- Өсвөр үеийнхэнд хүргэх зөвлөмжийг хэрхэн хүргэж байна вэ?

- Аймгийн Гэр бүл, хүүхэд залуучуудын хөгжлийн газартай хамтран айл өрхүүдээр үзлэг, шалгалт зохион байгуулсан. Ингэхдээ тухайн мэргэжлийн байгууллагаас судалгаа авч, сумдын Сумдын Засаг даргын Ажлын албатай хамтарч ажилласан. Энэ он гарсаар энэ төрлийн зөрчил, дуудлага бүртгэгдээгүй.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 1

  • Шинэ мэдээ