Хүйтэн сэрүүний улиралд дархлаагаа дэмжсэнээр аливаа халдварт өвчнөөс сэргийлж, эрүүл байх боломжтой билээ. Тиймээс дархлаагаа дэмжих энгийн аргуудыг танилцуулж байна.

Бид аль нэг шимт бодисыг давамгай авч эсвэл аль нэг хүнсний бүлгийг орхигдуулах юм бол авах амин дэм, эрдэс бодисыг хангалттай хэмжээгээр авч чадахаа больдог. Тэгэхээр бидний дархлааны эс, өөрийгөө эрүүлжүүлэх процесс бүрэн дүүрэн нөхцөлдөж чадахгүй. Дархлааны эсийг хамгийн сайн дэмждэг таван хүчин зүйл бий.

-Маш сайн унтаж амрах

-Зохистой хооллох

-Ашигтай бактеритай хүнс хэрэглэх 

-Антиоксидант буюу С амин дэмтэй хоол түлхүү хэрэглэх

-Дасгал хөдөлгөөн хийж, стрессгүй, сэтгэг санаагаа тайван байлгах.

 Б.Болдсайхан эмчийн зөвлөгөөг давхар хүргэж байна.

Хүний биед өдөр тутам хэдэн зуун сая эс шинээр төлжиж байдаг. Дархлаа сулрахад хавдрын эс төлждөг. Бидний бүх арьс гуужиж шинээр үүсч байгаа. Мөн булчингууд, өөх элэг ч мөн адил. Ер нь мэдрэлийн эд эсээс бусад нь бүгд шинээр үүсч төлжиж байдаг. Энэ явц дунд сая орчим эс хэвийн биш гентэй. Тэр нь хавдрын ч юм уу, эсвэл өөр ажиллах чадваргүй эс байж болно. Тэгвэл дархлааны системийн хамгийн гол үүргийн нэг нь гаднаас биет орж ирэхээс хамгаалахаас гадна дотоодын хэвийн биш гентэй эсүүдийг устгаж байх үүрэгтэй. Тийм учраас биеэ чанга чийрэг дархлаагаа хүчтэй байлгах хэрэгтэй.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0