Соёлын яамны Хяналт шинжилгээ үнэлгээ, дотоод аудитын газрын даргын үүргийг түр орлон гүйцэтгэгч Б.Чимэдлхам, Соёлын яамны Соёл, гэгээрлийн газрын мэргэжилтэн Д.Мөнхцэцэг, Соёлын өвийн үндэсний төвийн захирал Г.Энхбат, Богд хааны ордон музейн захирал Ц.Эрдэнэбаатар, Улсын драмын эрдмийн театрын Ерөнхий найруулагч Н.Наранбаатар нарын хүмүүс манай аймгийн зарим соёлын байгууллагуудын үйл ажиллагаатай танилцлаа. 

Түүнчлэн “Соёл урлагийн байгууллагын менежментийн чадавхыг бэхжүүлэх нь” бүсчилсэн уулзалтыг Хүүхэд залуучуудын театрт зохион байгуулав. 

Соёлын яамны төлөөллийг өнөөдөр Орхон аймгийн Засаг даргын орлогч А.Түвшинжаргал, ЗДТГ-ын дарга Д.Соёлчхүү, Орхон аймгийн Соёлын хэлтсийн даргын үүргийг түр орлон гүйцэтгэгч А.Уранчимэг, ЗДТГ-ын Нийгмийн бодлогын хэлтсийн мэргэжилтэн А.Отгонбаяр нар хүлээн авч уулзаж Орхон аймагт хэрэгжиж буй соёлын бодлогын талаар ярилцаж санал солилцлоо. 

Мөн “Эрдэнэт үйлдвэр” ТӨҮГ-ын Соёл урлагийн цогцолборт “Монгол Монголоороо” сэдэвт аялгуут лекцийг зохион байгуулж байна. Тус арга хэмжээнд Монгол улсын Ерөнхийлөгчийн Соёл, шашны бодлогын зөвлөх доктор, профессор Д.Бум-Очир, Монгол улсын Ардын багш, ШУГЗ С.Дулам, “Хөсөгтөн” хамтлаг хүрэлцэн ирж оролцож байна. 

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

  • Шинэ мэдээ