Урин хавар айлчилж, ханиад томуу, халдварт өвчин дэгдсэнээр БОЭТ-ийн Хүүхдийн тасгийн ачаалал эрс нэмэгдсэн. Өнгөрсөн хоёр жил Covid-19, карантин гээд гэртээ "бүгсэн" монголчууд хаврын ханиад томууг мартах дөхөж. Харамсалтай нь, хүүхдийн гэх тодотголтой ганцхан тасагтай бүсийн хэмжээний гэгддэг эмнэлэгт зөвхөн Эрдэнэтийн хүүхдүүд үзүүлээд зогсохгүй зэргэлдээх Булган аймгийн иргэд ч үйлчлүүлдэг сүүлийн нэг сар  ханиалгасан, нус нь гоожсон, халуурсан уйлсан нялхас, багачуудаар хүүхдийн тасаг дүүрч, ачааллаа дийлэхгүйд хүрч нэмэлтээр ор тавьж боловсон хүчний хүч чадлаа ч нэмсэн гэсэн ч халдвар өндөр хэвээр байна.“Covid-19-ийн дөрөв дэх давалгаа намжиж байна. Сүүлийн дөрөвдүгээр давалгаан дээр хатгалгаагаар хүндрэх тохиолдол дельтатай харьцуулахад цөөн байсан. Харин одоо томуу, томуу төст өвчний үед амьсгалын дээд замын шуугисан, халуурсан шинжтэй хүүхдүүд ирж байна. Хатгалгаагаар хүндрэх хувь өмнөх томуугийн үеийнхтэй яг л адил 30-40 хувьтай байна. Оношилгоо, эмнэлзүйн шинж тэмдэг нь төстэй учир ялгахад төвөгтэй.Шинжилгээ авч байж ялгаж салгаж байгаа гэдгийг эмч нар онцоллоо. 

БОЭТ-ийн хүүхдийн тасагт сүүлийн өдрүүдэд 230 гаруй  хүүхэд эмчлэгдэж асран хамгаалагчтайгаа нийлээд 434 хүн байна. Энэ нь цэцэрлэгийн үйл ажиллагаа зогссонтой холбоотой буурсан үзүүлэлтэй тоо баримт гэдгийг онцлов. Өдөрт үзүүлэхээр ирдэг хүүхдийн тоо цэцэрлэгийн үйл ажиллагаа зогссоноор бага зэрэг буурсан байна.

 Хэвтэн эмчлүүлэх хүүхдийн тоо нэмэгдэж байгаа тул өнөөдрөөс дахин эмч-3 , сувилагч-4, үйлчлэгч 4-ийг тус тус тасгуудаас татан авч нэмэлтээр ажиллуулж байгаа ч хүлээн авахаар үзүүлэхээр ирж байгаа бага насны хүүхдийн тоо буурахгүй байна гэв. 

 Байгууллагын удирдлагаас хариуцлагатай эргүүлийг ажиллуулж эхлэлээ.

 Шаардлагатай эм эмнэлгийн хэрэгсэл, тоног төхөөрөмж, цэвэрлэгээ угаалга, халдваргүйтгэлийн материалын тоог нэмэгдүүлжээ.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0