Орхон аймаг мэдээллийн технологийн хөгжингүй хот болох зорилгоор “Цахим Эрдэнэт-1” хөтөлбөрийг хэрэгжүүлж байна.

Энэ хөтөлбөрийн хүрээнд үндэсний тэргүүлэгч электроникийн компани болох “СИМ” ХХК-ийн санхүүжилт, техник, технологийн шийдлээр Нийтийн тээврийн үйлчилгээг цахимжуулах “EPASS” төслийг эхлүүллээ.

Уг төсөл нь Орхон аймгийн нийтийн тээврийн үйлчилгээг цахимжуулснаар цахим төлбөрийн картыг нэвтрүүлж, автобусны буудлуудад байршуулах карт худалдан авалт, цэнэглэх үйлчилгээг багтаасан өөртөө үйлчлэх киоск, чиглэл болон тухайн чиглэлийн автобусны ирэх хугацааг мэдээлэх электрон самбар, сурталчилгааны самбарууд, хэрэглэгчийн аппликэйшн бүхий цогц шийдэл юм. 

Энэ төслийг хэрэгжүүлснээр Орхон аймаг нь нийтийн тээвэрт цахим шийдлийг хэрэгжүүлсэн анхны аймаг болох бөгөөд нийтийн тээврийн үйлчилгээний хүртээмж, чанар, шуурхай байдал сайжрах юм.

“EPASS” төслийн хүрээнд EPASS цахим төлбөрийн карт нь энгийн, хүүхэд, хөнгөлөлттэй зорчих карт гэсэн 3 төрөлтэй. Хөнгөлөлттэй зорчигч картаар оюутан, цагдаа, өндөр настан, хөгжлийн бэрхшээлтэй иргэд зорчих боломжтой. Хүүхдийн картаар ерөнхий боловсролын сургуулийн насны хүүхэд хөнгөлөлттэйгөөр зорчино.Өнөөдрийн байдлаар хоёр аж ахуйн нэгжийн 30 гаруй автобус нийтийн тээврийн үйлчилгээнд явж байгаагийн  эхний ээлжийн  хоёр автобусанд карт унших төхөөрөмжийг суурилуулан энэ амралтын өдрүүдэд  туршиж үзэхээр болжээ. 

 

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 1

  • Шинэ мэдээ