“Дэлхийн эмч нарын өдөр” жил бүрийн гуравдугаар сарын 30-нд тохиодог. Цар тахалтай тэмцсэн хоёр жилийн дараа эмч нар өнөөдөр баярын хурлаа хийлээ.  Хуралд Засаг даргын орлогч А.Түвшинжаргал, Эрүүл мэндийн газрын дарга Д.Сүхээ, БОЭТ-ийн захирал Ц.Наран-Эрдэнэ нар болон эрүүл мэндийн салбарт ажиллагсад оролцлоо.  2022 оны шилдгийн шилдэг эмчид дөрвөн эмч нэр дэвшсэнээс  БОЭТ-ийн Төрөх тасгийн эрхлэгч Б.Эрдэнэбулган шалгарч “Эрдэнийн чагнуур”-ын эзэн болов. 

Дэлхийн эмч нарын өдрийг тохиолдуулан оны шилдгийн шилдэг эмч буюу “Зэс Эрдэнийн Чагнуурт эмчээр” БОЭТ-ийн Төрөх тасгийн эрхлэгч клиникийн профессор их эмч Б.Эрдэнэбулган тодорлоо.

Бадамжавын Эрдэнэбулган нь 1993 онд АУИС-ийг төгсөж БОЭТ-ийн төрөх тасагт эх барих эмэгтэйчүүдийн эмч, тасгийн эрхлэгчээр 29 дэх жилдээ тасралтгүй үр бүтээлтэй ажиллаж байна.

Ажиллах хугацаандаа 118220 үйлчлүүлэгчдийг үзэж эмчлэн зөвлөгөө өгч, 9500 төрөлт удирдан эх барих, эмэгтэйчүүдийн хагалгаанд хөндлөн зүслэг хийж хэвлийг мохоо аргаар нээх, давсаг, умай, хэвлийн гялтан, булчин өөхөн эдийг оёхгүйгээр шууд арьсанд косметик оёдол тавих, зуршсан зулбалттай эхэд нөхрийн ийлдсийг тарих, Кесарево хагалгааны умайн цус алдалтын үед умайд B-Lunch оѐдол тавих, А.iliaca internia- г боох, Дарамтат хэлбэрийн шээс задгайрах эмгэгийн үед ТОТ-ийн хагалгаа хийх , Умайн гадуурхи жирэмслэлтийн үед метатрексатаар эмчлэх, Эмэгтэйчүүдийн дурангийн мэс заслын хагалгаа зэрэг эмчилгээ, оношилгооны дэвшилтэт технологийг нэвтрүүлэн ажиллаж байна.

Тэрээр аймгийн хэмжээнд эх хүүхдийн эрүүл мэндийг дэмжих, хамгаалах, эмч, эмнэлгийн мэргэжилтнүүдийг сургах, зөвлөх, эх нярайд ээлтэй орчин бүрдүүлэхэд бодитой хувь нэмэр оруулсан мэргэжлийн ур чадвар, ес зүй, харьцаа хандлага сайтай олны хүндэтгэл хүлээсэн эмч нарын нэг юм.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0