Энэ оны нэгдүгээр сарын 1-нээс  усны үнэ нэмэгдсэн. Усны үнэ нэмэгдсэн асуудлаар   Засаг дарга С.Батжтаргал ""Эрдэнэт Ус Дулаан Түгээх Сүлжээ" орон нутгийн өмчит хувьцаат компани нь цахилгаан, дулааны мөнгө нэмэх, түүнийг өөрчлөх эрхтэй субъект нь биш.  Аймгийн Засаг даргад ч нэмэх эрх байхгүй. Цахилгааны үнийг  Эрчим хүчний зохицуулах хороо, усны үнийг Барилга хот байгуулалтын яамны харьяа Ус хангамж,  татуургын зөвлөлөөс гаргасан тогтоолоор нэмдэг.  Хэн, хаанаас яаж нэмдэг гэдгийг нь иргэдэд сайн ойлгуулах хэрэгтэй байгаа юм. Иргэдээс гарч байгаа гомдлын ихэнх бичилт хийж байгаа байцаагч нартай холбоотой байна. Харилцааны асуудал байгаа учраас “Эрдэнэт Ус Дулаан Түгээх Сүлжээ” орон нутгийн өмчит хувьцаат компанийн удирдлагуудад ажилтнуудаа чадавхжуулах, мэргэшүүлэх  сургалтад хамруулах үүрэг өгсөн.

Ерөөсөө л 3,4 сар хурааж байгаад  мөнгө нэхдэг нь иргэдэд хүндрэл учруулаад байна.  Тухай бүрт нь шийдээд явахгүйгээр хурааж хуримтлуулж байгаад иргэдээс мөнгө нэхэхээр бухимдах нь аргагүй шүү дээ. Лифттэй холбоотой асуудалд СӨХ-үүд нь ямар байгууллагатай гэрээ хийхээ сонго, хүчээр битгий булааж ав  гэсэн зүйлийг хэлж байгаа.  Эрдэнэтэд мэргэжлийн инженертэй, багтай ганц байгууллага байдаг нь “Эрдэнэт Ус Дулаан Түгээх Сүлжээ”  ОНӨХК юм. Түүнийг нь хувьд гаргаж болно, болохгүй юм байхгүй шүү дээ. Үүн дээр “Эрдэнэт Ус Дулаан Түгээх Сүлжээ” ОНӨХК өөрөө үйлчилгээг нь аваад СӨХ-оодтойгоо тохирохын оронд дангаараа үнийн бодлого гаргаж байгаа нь буруу. Иргэдийн гаргаж байгаа гомдол үндэслэлтэй гэж би харж байгаа учраас үүрэг даалгавар өгсөн" гэлээ. 

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0