Орхон аймгийн 58 байгууллагын 711 ажилтан төрийн үйлчилгээний 1-3 шатлалаар цалинждаг бөгөөд эдгээр ажилчдын төлөөлөлтэй  өнөөдөр Засаг дарга С.Батжаргал уулзаж санал хүсэлтийг нь хүлээн авч зарим асуудлыг шийдвэрлэхээ илэрхийллээ.

Сургууль цэцэрлэг зэрэг байгууллагын үйлчилгээний ажилчид зарим тохиолдолд цэвэрлэгээний зардалыг өөрсдөөсөө гаргадаг талаар ажилчид ярьж байна.

Иймээс байгууллагын цэвэрлэгээний зардлыг 2 дахин нэмэгдүүлнэ. Энэ нь жилд нийт төрийн байгууллагуудад 100 гаран сая төгрөгийн төсөвтэй байсан бол ойролцоогоор гурван зуу гаран сая болж нэмэгдэнэ гэсэн үг.

Ээлжийн ажилчдын унааны мөнгийг нэмэгдүүлнэ. Учир нь ажилчид ээлжээс буухад автобус унаа зогссон байдаг тул такси үйлчилгээгээр үйлчлүүлдэг. Энэ нь бага цалинтай ажилчдын хувьд хүндрэлтэй байдаг талаар ярьж байна.

Сургууль цэцэрлэг зэрэг байгууллагын тогоочдын зэргийн нэмэгдлийг олгох талаар судалж шийдвэрлэнэ.

Мөн Орхон аймгийн төрийн байгууллагын эдгээр ажилчид холбогдох яам агентлагт цалин нэмэгдүүлэх талаар үйлдвэрчний эвлэлтэйгээ хамтарч шаардлага хүргүүлнэ. Үүнд дэмжлэг үзүүлж орон нутаг Улаанбаатар хот явах зардлыг шийдвэрлэж өгнө.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

  • Шинэ мэдээ