Аймгийн Засаг даргын шуурхай хуралдаан болж Засаг дарга С.Батжаргал шуурхайг удирдан явууллаа.  Өнгөрсөн долоо хоногийн шуурхай дээр хэд хэдэн үүрэг даалгаврыг өгсөн. Тухайлбал, иргэдээс гарч буй саналын дагуу  Хөх Монгол цогцолборын хашааг буулгах эсэх ногоон байгууламжийг нэмэгдүүлэх, нээлттэй болгох чиглэлээр тооцоо судалгааг танилцуулах үүрэг даалгавар өгсөн. Үүний хүрээнд аймгийн Соёл, урлагийн газрын Хөх Монгол цогцолборын хашааны хэмжилт үзлэгийг хийсэн. Одоогоор зураг төсөл боловсруулах ажил хийгдэж байна гэх мэдээллийг Хотын захирагчийн албанаас өглөө.  Хаврын тариалалтыг хугацаанд багтааж шуурхай зохион байгуулахыг холбогдох байгууллагуудад үүрэг болгосон. Аймгийн хэмжээнд хаврын тариалалтын ажлыг шуурхай зохион байгуулах ажлын хэсгийн бүрэлдэхүүнийг аймгийн Засаг даргын А/191 дугаар захирамжаар батлуулан хэрэгжилтийг ханган ажиллаж байна. Тус ажлын хүрээнд төмс, хүнсний ногооны үйлдвэрлэл эрхлэгчдэд улс болон аймгийн төсвийн хөрөнгөөр худалдан авсан үрийг олгох ажлыг зохион байгуулжээ. 

“Өрхийн тариалалтыг дэмжих” хөтөлбөрийн хүрээнд орон нутгийн төсвийн хөрөнгөөр 10.0 тонн төмсний үр, 1.0 тонн төл сонгинын үр нийлүүлснийг аймгийн хэмжээнд 500 өрхийг дэмжих зорилгоор хоёр сумын ЗДТГ-т хуваарилсан байна.  “Тариалангийн үйлдвэрлэл  эрхэлж байгаа иргэн, хуулийн этгээдийн үйлдвэрлэсэн бүтээгдэхүүнд мөнгөн урамшуулал олгох, мөнгөн бус дэмжлэг үзүүлэх журам”-ыг Хүнс, хөдөө аж ахуй, хөнгөн үйлдвэрийн сайд болон Сангийн сайдын хамтарсан тушаал батлагдсан. 

Уг журмын хэрэгжилтийг хангах зорилгоор улсын төсвийн хөрөнгөөр худалдан авсан хүнсний ногооны үрийг 80 хувь хөнгөлж орон нутагт хуваарилан олгосон.  Орхон аймагт 11 төрлийн 410 кг үр олгосныг сумдын ЗДТГ-ын Хөдөө аж ахуйн тасгаар дамжуулан 200 өрхөд олгоод байна. Хүнсний ногооны үрийг аймгийн хэмжээнд нийт 700 өрхөд олгох ажлыг хоёр сумдын ЗДТГ-тай хамтран зохион байгуулж байна. 

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0