Аймгийн ИТХ-ын ээлжит IX хуралдаан хуралдлаа. Хуралдаанаар  Эрдэнэт хотын 2022-2023 оны өвөлжилтийн бэлтгэл хангах арга хэмжээний төлөвлөгөө,  Хөдөө аж ахуйн салбарын 2022-2023 оны өвөлжилтийг бэлтгэл хангах арга хэмжээний төлөвлөгөө батлах тухай, Эрдэнэт сангийн журам батлах тухай, Усны үнэтэй холбоотой иргэд болон ИТХ-ын Төлөөлөгчдийн саналыг танилцуулах, Түгээмэл тархацтай ашигт малтмалын хайгуулын тусгай зөвшөөрөл хүссэн аж ахуйн нэгжийн хүсэлтийг хэлэлцэх тухай Аймгийн 2022 оны тодотгосон төсвийн төсөл  зэрэг зургаан асуудал хэлэлцэнэ. Эрдэнэт хотын 2022-2023 оны өвөлжилтийн бэлтгэл хангах арга хэмжээний төлөвлөгөөг Засаг даргын дэд бүтэц хариуцсан орлогч М.Түмэнжаргал хийлээ.

Өнгөрсөн 2021-2022 оны өвөлжилтийн бэлтгэл хангах ажлын төлөвлөгөөнд орон нутаг, байгууллагын хөрөнгө оруулалтаар болон зохион байгуулалтаар нийт  37 нэр төрлийн ажил хийгдэхээр  тусгагдсан. Үүнээс бүрэн  хэрэгжсэн 35 ажил, он дамжсан ажил  байгаа бөгөөд биелэлт 97 хувийнх  гүйцэтгэлтэй  хэрэгжсэн байна.

Эрдэнэт хотын 2022-2023 онд дэд бүтцийн чиглэлээр хэрэгжүүлэх “Өвөлжилтийн бэлтгэл ажил”-ыг хангах төлөвлөгөөг боловсруулахдаа аймгийн Засаг даргын 2020-2024 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөө, Орхон аймаг, Эрдэнэт хотын 2022 оны хөгжлийн жилийн төлөвлөгөөнд тусгасан холбогдох заалтууд болон харьяа байгууллагуудаас ирүүлсэн нийт 129 саналыг судалж, хотын инженерийн шугам сүлжээний найдвартай ажиллагаа, зам талбайн хэвийн байдлыг хангахад чиглэсэн ажлуудыг түүвэрлэн авч төлөвлөгөөнд тусгасан байна.Өвөлжилтийн бэлтгэл ажлын төлөвлөгөөнд нийт 43 нэр төрлийн ажил төлөвлөснөөс 11 нэр төрлийн ажлыг  гадаадын зээл, улсын болон орон нутгийн төсвийн 16,4 тэрбум төгрөгийн хөрөнгө оруулалтаар, 32 нэр төрлийн ажлыг тухайн байгууллагын дотоод зохион байгуулалтаар нийт 33,8 тэрбум төгрөгийн ажил хийгдэхээр төлөвлөжээ.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 2

  • Шинэ мэдээ