Хот байгуулалт барилга захиалагчийн албанаас 2022-2025 онд Орхон аймагт дунд хугацааны “Орон сууц” хөтөлбөрийг  боловсруулж танилцуулгыг хийлээ. Хөтөлбөрийг хэрэгжүүлэх хүрээнд  бага дунд  орлоготой иргэдэд зориулсан орон сууцыг хөгжүүлэх, түрээсийн болон,түр суурьших орон сууцыг хөгжүүлэх, ашиглалтын шаардлага хангахгүй барилга байгууламжийг буулгаж шинээр барилга барих, гэр хорооллын газрыг дахин төлөвлөн барилгажуулах, гэр хороололд эрчим хүчний хэмнэлттэй хаус төслийг хэрэгжүүлэх гэсэн зорилт дэвшүүлжээ.

Аймгийн ИТХ-ын тогтоолоор 3 байршилд буюу Уурхайчин, Цагаанчулуут, Говил багт дахин хөгжүүлэх шийдвэр гарсан. Энэ хүрээнд Уурхайчин, Цагаанчулуут багийн 49-53 гудамжид төсөл хэрэгжүүлэх сонгон шалгаруулалт явагдсан байдаг. Харин Орхон аймгийг 2040 он хүртэл хөгжүүлэх ерөнхий төлөвлөгөөний төсөвт Говил багийн 100 га газарт хэсэгчилсэн ерөнхий төлөвлөгөө хийхээр тусгажээ.  Тус багт ашиглалтын шаардлага хангахгүй 21 барилга байгууламж бий. Үүнд 146 айл  оршин суудаг бөгөөд оршин суугчдын 80 гаруй хувь нь дахин төлөвлөлтийн ажлыг дэмжихээ илэрхийлжээ. Эхний ээлжинд 1 блок 52 айлын орон сууц барих ажил тусгагдсан байна.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 1

  • Шинэ мэдээ