Томуу, томуу төст өвчний халдвар ихсэж байгаатай холбоотойгоор БОЭТ-ийн Хүүхдийн хүлээн авах тасаг дээр Өрхийн эмнэлгийн эмч нарыг нэмэлтээр ажиллуулахыг Аймгийн засаг дарга С.Батжаргал үүрэг болгосон энэ хүрээнд нэмэлтээр эмч нар ажиллаж эхэллээ.

БОЭТ-ийн хүүхдийн тасагт өдөрт  томуугийн шинж тэмдэгтэй 150-230 орчим хүүхдүүд үзүүлж зөвлөгөө авч байгаа бөгөөд  өнөөдрийн байдлаар 30 гаруй хүүхэд хэвтэн эмчлүүлж байна.

Тандалт судалгаагаар алаг цоог халдварын түвшинд байгааг онцолсон. Улирлын ханиадны  өндөр дэгдэлтийн үед дахинд 300 ор дэлгэхэд бэлдэж эхэлсэн гэдгийг БОЭТ -оос онцоллоо.

Улирал солигдох мөчид цаг агаарын байдал 10-15 хэм зөрүүтэй болж, биеийн эсэргүүцэл суларч, амархан ханиад хүрдэг. Энэ жил амьсгалын замын халдварт өвчний дэгдэлт ихтэй байгаа тул хүн бүр ханиад томуугаас урьдчилан сэргийлэх шаардлага тулгарч байна.

Хөхүүл болон бага насны хүүхэд жилдээ дунджаар 6-10 удаа ханиад томуугаар өвчилдөг. Цэцэрлэг, яслид явдаг бол илүү олон өвчилдөг бөгөөд хүүхэд 6 нас хүрээд өвчлөх нь эрс цөөрдөг байна. Хайртай дотны хүнийхээ өвдсөн үед халамжаар дутаалгүй асарч тойглоорой хэмээн уриалж байна.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

  • Шинэ мэдээ