Аймгийн ИТХ-ын Тэргүүлэгчдийн IX хуралдаан хуралдлаа

Өнөөдөр Орхон аймгийн ИТХ-ын Тэргүүлэгчдийн IX хуралдаан хуралдлаа. Хуралдаанаар: 1. Ээлжит XIV хуралдааны бэлтгэл хангасан дүнгийн тухай, 1.1. Санхүүгийн нэгдсэн тайланд хийсэн аудитын дүнгийн тухай, 1.2. Аймгийн 2018 оны төсвийн гүйцэтгэл батлах тухай, 1.3. Даваат, Уртын гол, Яргуйт багуудын хэсэгчилсэн ерөнхий төлөвлөгөө батлах тухай, 2. Илтгэл илтгэгчийг батлах тухай, 3. Аймгийн “Хүндэт иргэн”-ээр шалгаруулах тухай 4. Бусад гэсэн асуудлуудыг хэлэлцлээ.

 Санхүүгийн нэгдсэн тайланд хийсэн аудитын дүнгийн тухай, Аймгийн 2018 оны төсвийн гүйцэтгэл батлах тухай, Даваат, Уртын гол, Яргуйт багуудын хэсэгчилсэн ерөнхий төлөвлөгөө батлах тухай зэрэг асуудлуудын бэлтгэл хангасан дүнг хэлэлцэн 2019 оны 07 дугаар сарын 05-ны өдөр хуралдах Орхон аймгийн иргэдийн Төлөөлөгчдийн Хурлын Ээлжит XIV хуралдаанд оруулж хэлэлцүүлэхийг холбогдох хүмүүст үүрэг болголоо. 

      Аймгийн ИТХ-ын Тэргүүлэгчид, Засаг даргын зөвлөлийн хамтарсан хурлаар “Эрдэнэт хотын хүндэт иргэн”-ээр шалгаруулах тухай асуудлыг хэлэлцэн Орхон аймаг, Эрдэнэт хотын түүхэн хөгжил, бүтээн байгуулалтад онцгой хувь нэмэр оруулсан 3 иргэнийг “Эрдэнэт хотын хүндэт иргэн” шагналаар шагнах шийдвэр гаргалаа. Хүндэт иргэдийн шагналыг Үндэсний их баяр наадам, Монголын тулгар төрийн 2228, Их Монгол Улсын 813, Ардын хувьсгалын 98 жилийн ой, Орхон аймгийн баяр наадмаар гардуулан өгөх юм. 

Энэ мэдээ танд ямар санагдав?
Уур минь хүрч байна
0
Харин л дээ
0
Хөөрхөн байна
0
Инээд хүрч байна
0
Харамсалтай байна
0
Гайхмаар байна
0

СЭТГЭГДЭЛ ҮЛДЭЭХ

зочин1
зочин2
зочин3
зочин4
зочин5
зочин6
зочин7
зочин8

АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.ErdenetLife.mn хариуцлага хүлээхгүй.