Erdenet LIFE

43 жилийн түүхтэй Эрдэнэт хотын гэр хорооллын анхны баг гэгддэг Булаг баг нь 12 мянган хавтгай дөрвөлжин нутаг дэвсгэртэй 46 гудамжтай 950 өрхтэй 3700 гаруй хүн ам амьдардаг.Булаг багийн иргэдийн оролцоотойгоор “Тохижилт” сайтай багаас,”Хөгжил” сайтай, хот уриан доор “БУЛАГ” багт жишиг гудамж хөтөлбөр эхлүүлжээ.

Булаг багийн ИТХ-ын төлөөлөгч Б.Оюунбаяр: Баяр наадмын өмнө уг ажлыг өрнүүлж дуусгахаар багийнхаа иргэдийг уриалж хашаагаа жишиг болгохоор бид чармайж байна. Аливаа зүйлд жижиг гэлтгүй сэтгэл тавьж ажиллах юм бол байгаа газраа иргэд маань сэтгэл дүүрэн амьдрах б боломжтой.Хашаагаа будаад зогсохгүй цаашлаад бид гэр хорооллын айл өрхүүдэд тулгамддаг асуудлуудыг шийдэхээр төлөвлөж байна.Булаг багийн айл өрхүүдэд Нүхэн нойлын асуудал хурц байгаа энэ асуудалд мөн анхаарал тавьж эрүүл аюулгүй амьдрах боломжоор хангахын төлөө ажиллана.

Орон нутгийн хөрөнгө оруулалтаар тус ажил хийгдэж байгаа бөгөөд хашаагаа будах будаг болон шохойгоор хангаж  өгсөнөөр иргэд өөрсдөө хашаагаа будаж тохижуулах юм байна. Нийт 705 хашааг жишиг гудамжны хүрээнд будаж засна. Энэ ажилд орон нутгийн төсвөөс 28,0 сая төгрөг зарцуулж байна. Нэг өрх айлд дунджаар 2-3 литр будаг 10-15 литр шохойг тухайн айлын хашааны талбайн хэмжээнээс шалтгаалж олгоно.Тохижилт сайтай багаас,Хөгжил сайтай, хот уриан доор “БУЛАГ” багт жишиг гудамж хөтөлбөрт Булаг багийн иргэд сэтгэл хангалуун хүлээж авч байна 

Ж.БААСАНЖАВ Булаг багийн иргэн: Манай баг насжилт ихтэй олон жил болж байгаа айлууд их бий Хашаагаа будах энэ ажилд манай гэр бүл нэгдсэн сайхан ажил санаачласанд баяртай байна. Монголчууд хэлдэг шүү дээ Өөдлөх айл үүднээсээ гэж булаг баг жишиг болчихвол аштай юу даа өнгө нэмээд сайхан байна.

О.ЦОГТБААТАР Булаг багийн иргэн: Хөгжил гэхээрээ л орон сууцны хороолол барих эсүүл зам тавих гэж ойлгодог буруу юм шиг гэр хорооллыг эхлээд сайхан хөгжүүлэх хэрэгтэй. Хүн амын хэдэн хувь нь энд амьдарч байгаа билээ.Булаг багийн иргэд бэлэн будаг шохойн байхад хашаагаа өөрсдийнхөө хүчээр будаад авчих нь зөв шүү ийм бэлэн сайхан зүйл гэж юу байхав дээ.Хувьдаа маш их дэмжиж байгаа Булаг баг жишиг болоод ирэхээр бусад нь бас дагаад хийх байлгүй дээ

Б.Соёл-эрдэнэ