Булган аймгийн Сэлэнгэ суманд өнгөрсөн дөрөвдүгээр сард гарсан гал түймрийг унтраахаар албан үүргээ гүйцэтгэж яваад түлэгдсэн Орхон аймгийн Онцгой байдлын газрын аврагч, ахлах ахлагч Э.Үнэнбат БНСУ-д арьс нөхүүлэх хагалгаа хийлгэхээр болж, тус улсыг зорьсон билээ. Түүнийг ийнхүү Солонгос улсад эмчилгээ хийлгэхэд зориулж Монгол Улсын Засгийн газраас 100 сая төгрөгийн тэтгэмж олгохоор болсон бол Онцгой байдлын байгууллага, алба хаагчид, Орхон аймгийн ЗДТГ, монголын ард түмэн сайхан сэтгэлийн хандивыг өгснөөр эмчилгээний зардлыг бүрдүүлсэн юм. Тэгвэл аврагч, ахлах ахлагч Э.Үнэнбат БНСУ-ын Жүн-Ан эмнэлэгт хагалгаанд орж, хагалгаа амжилттай болсон хэмээн түүний эхнэр А.Мөнгөнцэцэг өөрийн цахим хуудсанд талархал илэрхийлжээ.Хагалгаа 10 гаруй цаг үргэлжилсэн бөгөөд одоогоор биеийн байдал сайн байна гэжээ.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

  • Шинэ мэдээ