ЭРДЭНЭТИЙН ИРГЭД ЯПОН УЛСАД ГЭРЭЭГЭЭР АЖИЛЛАХ БОЛОМЖ БҮРДЭНЭ

Гадаад улсад ажиллаж амьдарч байгаа Монголчууд ар гэрийнхээ санхүүгийн асуудлыг шийдсэнээр жилд хэдэн сая ам доллараар яригдах их хэмжээний мөнгөн урсгалыг Монгол улсад төвлөрүүлдэг. Өндөр хөгжилтэй оронд ажилласнаар, дээд мэргэжилтэй төрийн байгууллагад ажиллаад авдаг цалинг 3-4 дахин нугалж олдог нь нууц биш юм. Энгийн л нэг үйлчлэгч, асрагч,  туслах ажилтан, зөөгч хийхэд л авдаг ажлын хөлс шүү дээ. Тиймээс амьжиргаагаа дээшлүүлэхийн тулд өндөр хөгжилтэй оронд ажиллах сонирхолтой иргэдийн тоо жилээс жилд өсөж байна.  Гагцхүү хууль ёсны дагуу ажиллаж, амьдрах эрх олж авна гэдэг тийм ч амар биш юм. 

  Тэгвэл “Эрдэнэт хотын хөгжил бодлого судалгаа”-ны тэргүүн Бат-Өлзийн Бат-Эрдэнийн санаачилсан “Гэрэлтэй Эрдэнэт” хөтөлбөрийн хүрээнд Япон улсын Нийгмийн халамжийн корпорацад асрагч, сувилагчаар ажиллах сонирхолтой  гэрээт ажилчдыг бүртгэж эхэлсэн байна. Сувилагч, асрагчаар ажилладаг, ажиллаж байсан туршлагатай, япон хэлний мэдлэгтэй бол давуу тал болно.  Эхний ажил болгож 2019 оны 12 сарын 1-нд Япон улсын нийгмийн корпорацийн захирал Масамичин Кома болон Огавара нарыг  Эрдэнэт хотод урьж   Эрдэнэтийн залуустай биечлэн уулзуулах юм байна.

Уг ажлыг Монгол улс болон Япон улс хоорондын 2019 оны 4 сарын 18-нд байгуулсан “Ур чадвартай ажиллах хүчний тогтолцооны зохистой ажиллагааны санамж бичиг”-ийг үндэслэн Япон улсын нийгмийн корпорацтай хамтран ажиллахаар болжээ.  Эхний удаад анхан шат болон түүнээс дээш япон хэлний мэдлэгтэй хүмүүсийг 99350825 дугаарт бүртгэж байна. 

 

                                           “ГЭРЭЛТЭЙ ЭРДЭНЭТ” хөтөлбөр үргэлжилж байна

Энэ мэдээ танд ямар санагдав?
Уур минь хүрч байна
0
Харин л дээ
0
Хөөрхөн байна
0
Инээд хүрч байна
0
Харамсалтай байна
0
Гайхмаар байна
0

СЭТГЭГДЛҮҮД /1/

zaaval xelt baix estoi ymu

zulaa

2023-01-04 13:30 | 43.231.113.120

СЭТГЭГДЭЛ ҮЛДЭЭХ

зочин1
зочин2
зочин3
зочин4
зочин5
зочин6
зочин7
зочин8

АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.ErdenetLife.mn хариуцлага хүлээхгүй.