Erdenet LIFE

2020 он гарахад хуруу дарам цөөхөн хоног үлдээд байна.Шинэ оныг хамгийн ихээр догдлон хүлээж буй эрхэмүүд бол УИХ-д нэр дэвшихээр горилж буй улс төрчид юм.Тэднийг УИХ-ын гишүүний сонгуульд нэр дэвшүүлэх эсэхийг шийдэх хувь заяаны эргэлт ирэх онд эцэслэгдэх учиртай.

2016 оны сонгуулиар төр түшилцэх эрхийг өгсөн тойргоосоо нүүр буруулж, шинэ тойрог эрэлхийлж байгаа хэд хэдэн гишүүд эхнээсээ тодорчихсон Тэдгээрийн нэг нь Эрдэнэт хотын иргэд сонгогчдын хайрыг татаж итгэлийг нь 3 ч удаа хүртээд авсан  Д.Дамба-Очир Тэрбээр ирэх сонгуулиар Дундговь аймгаас нэр дэвшихээр нэлээд эртнээс сэтгэл шулуудан, 2019 оны төсөвт тойрогтоо ажиллах хөрөнгө оруулалтыг хийгээд амжсан сүйхээтэй горилогч  Д.Дамба-Очирын хувьд “УИХ-ын гишүүнийхээ нэр төрийг барьцаалан, ЖДҮХС-гаас зээл авсан” гишүүнээр нэрлэгдэж энэ удаагийн бүрэн эрхийн хугацаанд чих халууцуулсан хэд хэдэн асуудалд орооцолдоод амжсан . Хууль хяналтын байгууллага түүнийг ЖДҮХС-гийн  зээлтэй холбоотой асуудлыг  ноцтойд тооцон, УИХ-ын гишүүнээс нь эргүүлэн татах саналыг оруулсан ч парламентын бүрэлдэхүүн хүлээж аваагүй юм. Эрдэнэтийн иргэдээс жийрхсэндээ юу эсвэл эргэж ирэх нүүргүй болсондоо юу ?Ирэх сонгуулиар УИХ-д тойрог сэлгэн нэр дэвшихээр сэтгэл шулуудсан Эрдэнэтийн Д.Дамба-очир эргэж ирэхгүй нь ээ тодорхой болжээ.

Эрдэнэтчүүд УИХ-ын сонгуульд санал өгөхдөө МАН-аас нэр дэвшсэн эрхэмүүдэд ээлтэй ханддаг.  Энэ ч утгаараа О.Содбилгийг  2 ч удаа УИХ-ын гишүүний зөөлөн сэнтийд залж итгэл өгсөн. Аавынхаа нэр хүнд намын гишүүдийнхээ дэмжлэгээр 2 ч сонгуульд бардам ирсэн О.Содбилэг ирэх жил Эрдэнэтээс нэр дэвшихээр тойргоо услаж эхэлсэн байна. Боловсролын салбарт хөрөнгө оруулалт хийж сонгуулийн бэлтгэлээ базааж байгаа түүнийг Аймгийн МАН-ын хорооны гишүүд найр тавин дэмжиж буй.

Ирэх жилийн сонгуульд  “Эрдэнэт” үйлдвэрийн даргаар томилогдохоор яригдаж байсан МАН-ын ерөнхий нарийн бичгийн дарга  Ц.Бат-Энхийн хувьд 2020 оны сонгуульд Эрдэнэтэд нэр дэвшихээр горилж байгаа юм. Гэтэл тус тойрогт нэр дэвшигчид хэт олон. Тухайлбал, УИХ-ын гишүүн О.Содбилэг, ЗГХЭГ-ын дэд дарга асан Б.Бат-Эрдэнэ “Эрдэнэс таван толгойн” ХК-ын гүйцэтгэх захирал Б. Ганхуяг, "Эрдэнэт үйлдвэр" ТӨҮГ-ын Санхүү эрхэлсэн орлогч захирал Д.Үүрийнтуяа  гэх мэт горилогчид олон эдгээр эрхэмүүдээс хэн намынхаа дэмжлэгийг авч Эрдэнэтэд ирэх нь шинэ оны дараа тодорхой болно.

2016 оны сонгуулиар өвдөг шороодон ялагдал хүлээсэн АН-аас  ирэх 2020 оны сонгуулиар хэн гэдэг эрхэм УИХ-ын сонгуульд нэр дэвших нь нууцхан хүлээлт үүсгэв. Таамаг төдий улс төрчдийн нэрс хаа нэгтээ сонсогдохоос өөрөөр олны өмнө ил гарч элдэв арга хэмжээ огтоос хийхгүй яваа нь гайхшрал төрүүлж буй. Гэхдээ тэд чимээ аниргүйхэн  намын гишүүдийнхээ дунд уралдаан тэмцээн уулзалт семинар хийсэн шигээ ирэх  жилийн сонгуульд сэмхэн бэлтгэж байж ч мэдэх.

Олны ярианаас харвал Эрдэнэтийн АН-аас ирэх жилийн сонгуульд МОАХ-ын Д.Өсөхбаяр Орхон аймгийн АН-ын дарга Ц.Батхуяг, “Баянбулаг багийн хөгжил” ТББ-ын тэргүүн ИТХ-ын төлөөлөгч асан Б.Улаанхүү, УИХ-ын гишүүн Я.Санжмятав, УИХ-ын гишүүн О.Баасанхүү , АН-ын ҮБХ-ын гишүүн Сарантуяа нар нэр дэвшихээр яригдаж буй гэх.Эдгээр эрхэмүүдээс хэнийг УИХ-ын сонгуульд нэр дэвшүүлэхийг “АРДЧИЛСАН НАМ” шийднэ. Эрдэнэтийг эргэгсэд эргэлдсээр л ирэх жилийн сонгуульд Эрдэнэтээс  МАХН-аас  намын дэд дарга  С.Ганбаатар  “Шинэ” нам байгуулсан  УИХ-ын гишүүн Л.Болд ,Ж.Батзандан зэрэг гэнэтийн зочид ч бас бий. Бие даан нэр дэвших эрхэмүүд ч ирэх жилийг хүлээн Эрдэнэтээр  эргэлдсээр.....