Орхон аймгийн ИТХ-ын дарга, “Жаргалант таеквондо сургалтын төв” холбооний хүндэт ерөнхийлөгч П.Пүрэвлхагвын нэрэмжит таеквондогийн клубын аварга шалгаруулах нээлттэй тэмцээн 2019 оны 12 дугаар сарын 14, 15-ны өдрүүдэд Орхон аймгийн Жаргалант суманд болж өндөрлөлөө. Тэмцээний нээлтийн арга хэмжээнд Орхон аймгийн ИТХ-ын дарга П.Пүрэвлхагва, Жаргалант сумын Засаг дарга Б.Зоригтбаяр нар оролцлоо. Тус тэмцээнд Жаргалант сум, Дархан-Уул, Булган, Орхон аймгийн нийт 100 орчим тамирчид ганцаарчилсан болон 3x3 багийн тулааны төрөлд хурд хүч авхаалж самбаагаа сорин өрсөлдлөө. Энэхүү тэмцээн нь ирэх 2020 оны 1 дүгээр сард БНХАУ-ын Шанхай хотод зохиогдох таеквондогын олон улсын тэмцээнд оролцох тамирчидыг сонгон шалгаруулах, туршлага, ур чадварыг нэмэгдүүлэх, хамтын ажиллагааг өргөжүүлэх зорилготойгоор нээлттэй зохион байгуулагдсанаараа онцлогтой юм. “

Жаргалантын хүүхдүүд-2019” таеквондогын тэмцээнийг багийн дүнгээр “Жаргалант таеквондо сургалтын төв”-ийн баг тамирчид хошуучиллаа. Тэмцээний дэд байранд Дархан-Уул аймгийн баг тамирчид, гуравдугаар байранд Булган аймгийн баг тамирчид шалгарсан бол Жаргалант таеквондо сургалтын төвийн тамирчин С.Анударь, З.Лут-Очир, Булган аймгийн тамирчин Б.Сумьяабазар, Дархан-Уул аймгийн тамирчин Б.Азжаргал нар шилдэг тамирчнаар шалгарлаа.  

Орхон аймгийн ИТХ-ын дарга П.Пүрэвлхагва “Жаргалантын хүүхдүүд-2019” таеквондогын тэмцээнд амжилттай оролцож БНХАУ-ын Шанхай хотод болох “BUDA-TOP” Олон улсын тэмцээнд оролцох эрх авсан 15 тамирчиныг тэмцээний зардлын 50 хувийн хөнгөлөлтийн эрхийн бичгээр шагнаж урамшууллаа. Мөн “Жаргалант таеквондо сургалтын төв”-ийн тамирчин А.Номин-Эрдэнэд таеквондогийн спортын мастерийн цол тэмдэгийг гардуулан өгч амжилт хүслээ. Шанхай хотод болох “BUDA-TOP” олон улсын тэмцээнд тамирчид ганцаарчилсан болон 3x3 багийн тулааны төрлөөр оролцоно. 

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0