ҮАБЗ-өөс ахмадуудын тэтгэврийн зээлийг нэг удаа тэглэх шийдвэр гаргаж, УИХ-д зөвлөмж хүргүүлсэн. Үүний дагуу Засгийн газраас Иргэдийн тэтгэвэр барьцаалсан зээлийн төлбөрийг төрөөс нэг удаа төлөх тухай хуулийн төслийг боловсруулж, УИХ-аар хэлэлцүүлж байгаа. Хэлэлцүүлгийн явцад УИХ-ын гишүүд зээлтэй иргэдэд боломж олгосон хэрнээ зээлгүй ахмадуудыг ялгаварлаж байгааг шүүмжилж байв. Мөн УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга Д.Оюунхорол хуулийн төслийг боловсруулсан ажлын хэсгийнхэнд зээлгүй ахмадуудад ч боломж олгох чиглэл өгсөн. Мөн тэрбээр чуулганы хуралдааны үеэр тэтгэврийн зээлгүй ахмадуудад Салхитын мөнгөний ордын орлогоос хишиг хүртээх гарц хайж байгааг хэлэв.

Тэгвэл эх сурвалжийн мэдээлж буйгаар тэтгэврийн зээл аваагүй иргэдэд нэг сая төгрөг олгох шийдэл гаргажээ. Ингэхдээ нэг сая төгрөгийг шууд олгохгүй аж. Сар бүр 100 мянган төгрөгөөр хувааж олгох гэх мэт хувилбарыг ярилцаж байгаа гэнэ. Гэхдээ энэ нь эцэслэн шийдэгдээгүй бөгөөд маргааш ажлын хэсгийнхэн болон УИХ дахь МАН-ын бүлэг, холбогдох байнгын хороо хуралдаж, тодорхой шийдэл гаргах юм байна.

Сонирхуулахад, улсын хэмжээнд 421 мянган ахмад бий. Тэднээс 229 мянга нь  776 тэрбум төгрөгийн зээлийн үлдэгдэлтэй. Харин 192 мянган ахмад зээл аваагүй байна.

Эх сурвалж:Eagle.mn

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 1

  • Шинэ мэдээ