Монголд COVID-19 вирусын халдвар бүртгэгдсэн энэ цаг үед Эрдэнэт үйлдвэр 6600 гаруй ажилчдынхаа төвлөрлийг сааруулах, халдвар тархахаас урьдчилан сэргийлэх олон талын арга хэмжээ авч хэрэгжүүлж байна. Тус үйлдвэрийн ХАБЭА-н хэлтэс   мөн "Хаан хүнс катеринг" ХХК зүгээс хамтран Дэлхийн эрүүл мэндийн байгууллагаас өгсөн зөвлөмжийн дагуу ажилчдын хоолны ширээний зохион байгуулалтыг нэг чигийн урсгалд оруулан өөрчлөх ажлыг эхлүүллээ. Өнөөдрөөс эхлэн Төрөл бүрийн авто машины гарааж зэрэг 100-150 ажилчид нэг дор хооллодог жижиг газруудын ширээний зохион байгуулалт нэг чигийн урсгалд буюу сурагчдын нэгэн адил шил шилээ харан сууж хооллох болов.

Харин Эрдэнэт үйлдвэрийн Ерөнхий захиргааны нэгдүгээр байр, буюу төв хэсэгт "Хаан хүнс катеринг" ХХК  ын зүгээс  хоолны зааландаа  ширээ тус бүрт  тусгаарлалт хийж вирусын халдвараас сэргийлэх арга хэмжээ авч ажиллажээ . Тусгаарлалтыг арчиж цэвэрлэн ариутгах боломжтой материалаар хийсэн байна.Ингэснээр хооллох үед амны хаалтаа авч тав тухтай үйлчлүүлэх боломжтойгоос гадна урьдчилан сэргийлэх тал дээр чухал ажил боллоо хэмээн ажилчид сэтгэл хангалуун байгаагаа илэрхийлжээ.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0