Хавар гэнэт хүйтрэх, дулаарах буюу агаарын даралтын тогтмол бус байдал нь хүний цусны даралтыг тогтворгүй байлгах нөхцөлийг бий болгосноор биед сөрөг нөлөө үзүүлдэг байна. Дулаарах үед судасны хана тэлж даралт буурдаг. Өөрөөр хэлбэл хаврын ядаргаа гэдэг нь нэг улирлаас нөгөө улиралд шилжиж буй бие организмд гарч буй дасан зохицлын өөрчлөлт. Хүйтний улиралд хүний биед хэрэгцээтэй витамин, амин хүчлүүд болон бусад хэрэгцээт бодисын нөөц зарцуулагдаж хэвийн хэмжээнээс багасан дархлаа сулрах нөхцөлийг бий болгоно.

Энэ үед янз бүрийн өвчин тусах нь магадлал ихтэй болох тул хавар аль болох  дээрх бодисын нөхөн хангалтыг хурдан бие организм авах хэрэгтэй. Үүнд хамгийн түрүүнд шим тэжээллэгтэй хоол хүнс чухал. Хоол хүнснээс гадна өвчний шинж тэмдэг илрээгүй үед шууд эм, тариа, дусал хийлгэх асуудал манайд түгээмэл байдаг ч энэ нь зохиомлоор дархлааг тэтгэх замаар ямар нэгэн өөр өвчинг бий болгох магадлалтай.

Харин үүний оронд эмийн бус бэлдмэлүүдийг хэрэглэх замаар дархлааг алгуур тэтгэх, биеэ цэвэрлэх байдлаар хаврын улиралд гарч буй өөрчлөлтийг давж чухал асуудал юм. Иймд "Хаан хүнс катеринг" ХХК-ын зүгээс "Эрдэнэт" үйлдвэрийн ажилтан ажиллагсдын дархлааг дэмжих зорилгоор Дархлаажуулалтын өдөрлөг зохион байгуулж олон төрлийн амин дэмээр үйлчилсэн байна.Тус өдөрлөгийн хүрээнд халуун аньс, чацаргана, нэрс цагаан гаа сармистай сүү зэрэг бүтээгдэхүүнээр үйлчилээд зогсохгүй бүтээгдэхүүн бүрийн хүний биед үзүүлэх онцлогыг харуулсан танилцуулга  мэдээллийг үйлчилүүлэгчдээ хүргэсэн байна.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0