Erdenet LIFE

УИХ-ын Сонгуулийн тухай хуулийг өөрчлөсөнөөр 2020 оны УИХ-ын сонгууль өөрөө бие даасан тусгаарлан  хуульчилсан хэлбэрээр явагдах  онцлогтой сонгууль болох юм.

26 том тойргоос 76 гишүүнийг сонгох хэлбэрээр явагдана. Өөрөөр хэлбэл мандатын тоогоор хүн дугуйлна гэсэн үг. Дээрх тогтолцооны нэг шүүмжлэлтэй тал  нь нэг намын  журамт нөхөд хоорондоо өрсөлдөх, мөнгөтэй, нэр хүндтэй нэг нь сурталчилгаагаа түлхүү явуулах магадлал өндөр

Нөгөө талаас  давуу тал нь  улсын төсөв олон жижиг тойрогт, багахан чимхлүүр  ажлуудад хуваагдаж аманд ч үгүй, хамарт ч үгүй алга болохгүйгээр  томоохон бүтээн байгуулалтын ажилдаа зарцуулагдах боломж нээгдэнэ.2 хүрэхгүй сарын дараа УИХ –ын  ээлжит сонгууль болох гэж байна. Хүссэн хүсээгүй сонгуулийн өмнөх үйл явц Монгол улсын өнцөг булан бүрт өрнөж байна. Олон нийт ч энэ сэдэвийг хэдийн сонирхоод эхэлжээ. Өмнөх нийтлэлдээ бид Орхон аймгийн АН –аас нэр дэвшихээр горилж буй эрхэмүүдийг танилцуулсан бол энэ удаа бид Эрдэнэтийг тойрон эргэлдэж чимх чимхээр “усалж” буй зарим эрхэмүүдийг танилцуулж байна.

БНН-ын дарга Б.Жаргалсайхан түүний хувьд Эрдэнэтэд шинэ хүн биш өнгөрсөн 2016 онд сүр дуулиантай ирж эцэст нь  ялагдал хүлээгээд  буцахдаа Эрдэнэтчүүдийг “АЗГҮЙ” хүмүүс хэмээн бухимдалаа тайлж  өвдөг шороодсон сэтгэлийн гуниг шаналалаа  урлагын тоглолтоор тайлаад буцсан нэгэн. Тэрээр  улс төрд шинэ хүн огтоос биш бас Эрдэнэтэд эргэн  ирж  даагаа нэхэхээр зэхэж буй. Дараагийн горилогч  МАХН-аас С.Ганбаатар Монгол улсын ерөнхийлөгчийн сонгуульд Орхончууд итгэл хүлээлгэж санал өгсөны хүний тоо өндөр гарсан гэх шалтгаанаар Орхон аймаг Эрдэнэт хотыг өнгөрсөн жилээс эхлэн тойрон эргэлдэж “БИ” бараг гарчихсан хэмээн пээдгэр алхаж яваа нэгэн.

Нам ч үгүй найдвар ч үгүй юм уу? гэмээр нэг эрхэм Эрдэнэтэд эргэж ирэхээр хэдийн ам тангарагаа өгчихсөн яваа тэр хүн бол УИХ-ын гишүүн О.Баасанхүү АН-аас нэр дэвших үү? Аль эсвэл гэдэг асуултын гогцоо ирэх сарын 15 ны өдөр тайлагдана.Горьдлого найдвар итгэл хүлээлт үүсгээд буй нэр дэвшигчдийн  прогноз эхнээсээ ийнхүү гарсаар байна. Сонгуулийн жилтэй уралдан байгуулагддаг намуудын тухайд  Эрдэнэтэд  сураг алдарсан  АТХН-аас намын  дарга Л.Гүндалай даагаа нэхээд ороод ирэх магадал өндөр “ШИНЭ” нам тэргүүтэй эвсэл ч бас хоосонгүй  Л.Болд зарим жижиг  намыг өөртөө нэгтгэж байгаад 2 хүн дагуулаад орж  ирэхээр бэлтгэж хангаж эхэлсэн байна.

Бие даагч нарын сураг чимээ ч гарсаар тухайлбал Орхон аймгийн ХАҮТ-ын даргаар ажиллаж байсан М.Сарандаваа Уухай хөдөлгөөний гишүүн залуу энэ жил хүч үзэх сонирхолтой яваа.

2016 онд нэр дэвшсэн  Ч.Бямбаа эргэж ирэх бодол өвөртлөн яваа гээд бие даагч нар нэмэгдэх нь ээ дээр нь нэмээд нам  “ҮГҮЙ” гэсэн виз дарчихвал  дараагийн алхамаа яах уу гэсэн олон гаргалгааг улс төрчид толгой өнгийх завгүй энэ өдрүүдэд бодон суугаа эцсийн зогсоол нь  бие даах уу аль эвсэл ирэх 2024 оныг хүлээх үү? Эрдэнэт хот бол Монголд суурин хөгжсөн хоёр том аймгийн нэг. Иргэдийн амьдралын баталгаажих түвшин бусад аймгийнхнаас харьцангуй өндөр, улсын төсвийг гол бүрдүүлэгч "Эрдэнэт үйлдвэр" ТӨҮГ  байрладаг гэдэг утгаараа бэлэн мөнгөний эргэлт сайтай хот гэгддэг. Дээр нь  бусад аймаг шиг олон сумгүй учраас сонгогчдод харьцангуй чирэгдэл багатай ч гэдэг.  Тэр утгаараа Эрдэнэтэд өрсөлдөгчид горилогчид их....