"Өчигдөр УОК-ын хуралдаанаас гарсан шийдвэртэй холбоотойгоор мэдээлэл өгөхдөө  Курс, дамжаа болон сургалтын үйл ажиллагаа эрхэлж буй байгууллагуудад ЭМЯ, Шуурхай штабаас тодорхой зөвлөгөө, албан бичиг хүргүүлж ажиллах болсныг сануулсан юм. 

Учир нь хоёр сар гаруйн хугацаанд сургалтын үйл ажиллагаа улс орон даяар зогссон тул анги танхимын бэлэн байдлыг хангуулах, сургалт явуулж буй хүмүүс өөрсдөөсөө хамаарах зүйлсийг хийх шаардлагатай байна. Сургалтын үйл ажиллагаа тодорхой хугацаанд явагдаагүй удсан тул сайтар цэвэрлэж, ариутгал халдваргүйтгэлийн ажлыг мэргэжлийн тусгай зөвшөөрөл бүхий ААН, байгууллагаар хийлгэсэн байх ёстой. 

Ингэснээр тухайн сургалтын төв нээгдэх анхан шатны бэлтгэл хангагдах юм. Энэ талаар ЭМЯ, МХЕГ, ОБЕГ-ын веб сайтуудад урьдчилсан анхааруулгыг тавьжээ.

Мөн сургалтын байгууллагууд сургагч багш нартаа зөвлөмж, албан бичигтэй нэг бүрчлэн танилцуулах хэрэгтэй. Тухайн сургалтын байгууллагууд сургалтад хамрагдаж байгаа хүнээ сайтар бүртгэх юм байна.

Эхний ээлжид суралцагч хоорондын зай нь 1.5 метр, 10 хүртэлх хүнтэй, богино цагаар хичээллэх сургалтын газруудыг зөвшөөрч байгаа. 

Дараа нь холбогдох арга хэмжээнүүдийг хэрхэн авч ажилласан талаар шалгалт хийх бөгөөд  сануулсаар байхад  бэлтгэлээ хангаагүй бол үйл ажиллагааг түр зогсоохыг анхааруулж байна" хэмээн мэдэгджээ.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

  • Шинэ мэдээ