Дэлхий дахинд сүүлийн 24 цагийн дотор шинэ төрлийн коронавирусийн 74,228 шинэ тохиолдол илэрч, нийт халдвар авсан хүний тоо 4,255,942, эдгэрсэн хүний тоо 1,527,496 болжээ. Харин нас баралт 3,403-аар нэмэгдэж 287’137-д хүрсэн байна.

 Түүнчлэн 46,939 (2%) хүний биеийн байдал хүнд байгаа бол идэвхтэй халдварын тоо 2,441,114 байгаа аж. Цар тахлыг амжилттай ялан дийлж чадсан хэмээгдэж буй Хятад, Өмнөд Солонгост халдварын тохиолдол эргэн нэмэгдэх хандлагатай болсонд ДЭМБ-ын зүгээс санаа зовниж буйгаа илэрхийлжээ.

Мөн халдвар аваад эдгэсэн хүмүүсийн харьцангуй цөөн хувьд эсрэг биет үүссэн байсныг дурдаад, хүн амын олонх нь халдвар авч болзошгүй хэвээр байна гэв.

Тиймээс улс орнууд хорио цээрийн дэглэмээ сулруулахдаа маш болгоомжтой хандахыг уриалжээ.

Цар тахлын улмаас хамгийн их хохирол амсаад буй АНУ-ын хувьд байдал харьцангуй сайжирч байгаа ба тус улсын бүх муж хөл хорионы дэглэмээ аажмаар сулруулж эхлээд байгаа бол халдварын тохиолдол эрчимтэй нэмэгдэж буй ОХУ ч мөн хөл хориогоо сулруулах шийдвэр гаргажээ.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

  • Шинэ мэдээ