ЭЕШ-д 1079 төгсөгч 7-р сарын 2-5 ны өдрүүдэд шалгалт өгнө

Их, дээд сургуулиудын элсэлтийн ерөнхий шалгалт 7-р сарын 2-5-ны өдрүүдэд зохион байгуулагдахаар болжээ. Энэ жил Эрдэнэт хотоос ЭЕШ-д 1079 төгсөгч хамрагдахаар бүртгүүлсэн байна. Үүнээс 136 нь өмнөх оны төгсөгч юм.

Хөл хорио тогтоосон шийдвэр хүчинтэй хэвээр байгаа тул нэг танхимд 10-12 сурагчийг ЭЕШ-д хамруулахаар шийдвэрлэсэн байна. Энэ үеэр ариутгал халдваргүйтгэлийн ажлыг тогтсон стандартад нийцүүлж хийнэ гэдгийг аймгийн Боловсрол, соёл, урлагийн газрын дарга хэллээ. Иймд төгсөгчид хуваарьт цагтаа ирэх шаардлагатайг анхаарууллаа.

Эрдэнэт хотын хэмжээнд ЭЕШ-ыг зохион байгуулахад 122 багш, ажилтан ажиллахаар томилогдсон байна. Шалгалтын явцыг урьд жилийнхтэй ижил шууд дамжуулан үзүүлэх аж. Энэ хичээлийн жил хөл хорио тогтоосон учраас сурагчид хичээлийнхээ агуулгын тодорхой хувийг теле хичээлээр авсан. Тэгвэл ЭЕШ-ын асуулгууд нь хөл хорионоос өмнөх буюу танхимын сургалтын агуулгаас бүрджээ.  

Түүнээс гадна их, дээд сургуулиудын хуваар олголт 7-р сарын 7-9-ний өдрүүдэд цахимаар явагдахаар болсон байна.  

Энэ мэдээ танд ямар санагдав?
Уур минь хүрч байна
0
Харин л дээ
0
Хөөрхөн байна
0
Инээд хүрч байна
0
Харамсалтай байна
0
Гайхмаар байна
0

СЭТГЭГДЭЛ ҮЛДЭЭХ

зочин1
зочин2
зочин3
зочин4
зочин5
зочин6
зочин7
зочин8

АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.ErdenetLife.mn хариуцлага хүлээхгүй.