Өндөржүүлсэн бэлэн байдлын зэрэгт шилжсэн байгаатай холбогдуулан бүх нийтийг хамарсан томоохон арга хэмжээг зохион байгуулах эсэх нь эргэлзээтэй байсан бөгөөд орон нутгуудад баяр наадмыг үзэгчтэй тэмдэглэн өнгөрүүлэх шийдвэр гарсан. Үндэсний их баяр наадмыг зохион байгуулах хорооноос түүх соёл, уламжлалын дархлаа болсон Үндэсний их баяр наадмаа зохион байгуулж,  уламжлалаа тасалдуулахгүй байх нь зүйтэй гэж үзжээ. Тиймээс иргэдийн бөөгнөрөл, цугларал үүсгэхгүйгээр, халдвар хамгааллын дэглэмийг сайтар мөрдөн, Үндэсний их баяр наадмаа тэмдэглэн өнгөрүүлэхийг уриалсан.Энэ хүрээнд Эрдэнэт хот Орхон аймагт баяр наадмыг зохион байгуулах хүрээнд ажлыг хэсэг байгуулагдаж баяр наадмын үйл ажиллагааг УОК-оос өгсөн зөвлөмжийг сайтар дагаж мөрдөх үүрэг хүлээсэн.Баяр наадмыг иргэдэд бүх талаас хүргэх зорилгоор энэ жил баяр наадмыг шууд дамжуулахаар  найман телевиз хамтран ажиллана. Тодруулбал, Номин буюу NBTV HD 14  дэхь жилдээ Орхон аймгийн баяр наадмыг шууд дамжуулан хүргэж байгаа мөн   "MBS" "EBS"  "Мэдээллийн бирж" "Тэнгэр ТВ"  "Тусгал1"  “ETV” "Эрдэнэт ТВ" зэрэг нийт  найман телевиз хамтран төв цэнгэлдэх хүрээлэнгээс баяр наадмыг эргэн тойронд болж буй бүх үйл явдлыг цаг алдалгүй шуурхай шууд дамжуулан ард иргэдэд  үзүүлэх юм.Энэ жилийн тухайд уламжлал болгон явуулдаг байсан Цэргийн хүндэт жагсаал, Амарын хөшөөнд цэцэг өргөх ёслол баяр наадмын хаалтын үйл ажиллагааг тус тус  зохион байгуулахгүй.

 

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

  • Шинэ мэдээ