БНСУ-ын Засгийн газар цар тахлын улмаас визнийх нь хугацаа дуусч, тус улсад гацсан гадаад ажилчдын түр оршин суух хугацааг сунгахаар ажиллаж буй талаар Ерөнхий сайд Чун Сэ Кюн өнөөдөр /2020.07.29/ мэдэгджээ.

Түүний мэдэгдэлд дурдсанаар, гадаад ажилчдын түр оршин суух хугацааг сунгахаас гадна, хөдөө аж ахуйн салбарт түр хугацаагаар ажиллахыг зөвшөөрөхөөр болсон байна.

Энэхүү шийдвэр нь цар тахлаас болж тус улсад гацаад буй гадаад ажилчдад болон удахгүй ургац хураалтын улирал эхэлж байгаа учир ажиллах хүчнээр дутагдаж буй фермерүүдэд аль алинд нь ашигтай гэдгийг тэрбээр онцолжээ.

Мөн тус улс нь нийслэл Сөүл хотод албан ёсоор оршин суудаг гадаадын иргэдэд цар тахлын үеийн мөнгөн тусламж олгохоор болсноо зарласан билээ.

Эх сурвалж: KOREA TIMES

 

 

 

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

  • Шинэ мэдээ