Эрхэм хүндэт хүүхэд багачууд, багш, сурган хүмүүжүүлэгчид,

боловсролын байгууллагын ажилтан ажиллагсад аа!

Та бүхэнд 2020-2021 оны хичээлийн шинэ жилийн баярын мэнд хүргэе.

Энэ хичээлийн жил нь дэлхий даяар COVID-19 вирус тархсан онцгой нөхцөлд эхэлж байна. Төр засгаас дээрх нөхцөл байдлыг хохирол багатай даван туулах, хүүхэд, залуучуудынхаа сурч боловсрох хэрэгцээг орхигдуулахгүй байх зорилгоор сайтар төлөвлөж боловсролын байгууллагуудын үйл ажиллагааг нээж байна.

2020-2021 оны хичээлийн жилд Орхон аймаг, Эрдэнэт хотын хэмжээнд төрийн болон хувийн хэвшлийн 24 сургуульд 22 мянга, 37 цэцэрлэгт 9700 орчим хүүхэд суралцана. Эдгээрээс 2300 гаруй нь нэгдүгээр ангид шинээр элсэж буй. Мөн боловсролын байгууллагуудад 1600 багш, ажилтан ажиллана.

2016-2020 онд Орхон аймаг, Эрдэнэт хотын боловсролын салбарт улс, орон нутгийн төсвөөс 43.5 тэрбум төгрөгийн хөрөнгө оруулалт хийлээ. Ингэснээр аймгийн боловсрол, соёл, урлагийн салбарт 19 барилга шинээр барих ажил эхэлж одоогоор 9 барилга нь ашиглалтад орлоо. Ингэснээр боловсролын чанар хүртээмжид бодитой ахиц гарсныг онцолмоор байна.

Цаашид ч УИХ, Засгийн газрын түвшинд боловсрол, технологид чиглэсэн хөрөнгө оруулалтын хэмжээг нэмэгдүүлэх, боловсролын байгууллагын багш, ажилтнуудын хөдөлмөр, нийгмийн үнэлэмжийг өндөрт гаргах талаар санал санаачилга гарган ажиллах болно.

Хүүхэд, багачууд, эцэг, эх, сурган хүмүүжүүлэгч та бүхэнд хичээлийн шинэ жилийн баярын мэндчилгээ дэвшүүлж, сурлага, урлаг, спортын өндөр амжилт, сайн сайхан бүхнийг хүсэн ерөөе!

                                 УЛСЫН ИХ ХУРЛЫН ГИШҮҮН  Д.БАТЛУТ

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

  • Шинэ мэдээ