Өнөөдөр хүүхэд багачуудын дуу шуугиан, инээд хөөр цангинасан 9-р сарын 1-ний өдөр тохиож байна.

Жил бүрийн энэ өдөр Дарханы Төмөрлөгийн Үйлдвэр ажилтнуудынхаа эрдмийн их өргөөнд элсэн орж буй 6 настай хүүхдүүдэд хичээлийн хэрэгслийг нь бэлтгэн өгч, бяцхан сурагчдад эрдэм мэдлэг хүсдэг уламжлалтай.

Тэгвэл энэ жил цар тахлын нөлөөгөөр байгууллага, хувь хүмүүс бүр амаргүй хүндрэл бэрхшээлийг туулж байгаа билээ. Энэ цаг үед Дарханы төмөрлөгийн үйлдвэрээс ажилтнуудынхаа нийт 1100 гаруй сурагч хүүхдүүдэд хичээлийн хэрэгсэл  гардуулан өгч урам хайрласан байна. 

Дарханы Төмөрлөгийн Үйлдвэрийн Тэргүүн дэд захирал О.Болор-Эрдэнэ: Бяцхан сурагчдаас маань Ирээдүйн Монголын уул уурхайн чадварлаг, мэргэшсэн инженерүүд, металлургчид олон төрөх болтугай гэсэн ерөөл тавин энэхүү үйл ажиллагаагаа уламжлалын дагуу зохион байгуулсаар байгааг дуулгахад таатай байна. Ирээдүй болсон хүүхэд багачууддаа шинэ хичээлийн жилийн мэнд хүргэе!

Бид Монгол улсад Хар төмөрлөгийн үйлдвэрлэлийг хөгжүүлэх зорилготой “Уул уурхай, металлургийн цогцолбор” байгуулах төслийг хэрэгжүүлэн ажиллаж байгаа юм. Энэхүү төслийн удирдлагыг маань “Төр хувийн хэвшлийн түншлэл”-ийн хүрээнд 100% үндэсний компани болох “Кью Эс Си” ХХК 2014 оноос эхлэн хэрэгжүүлж байгаа. Уг төсөл хэрэгжиж эхэлснээр Дарханы төмөрлөгийн үйлдвэрт өмнө хийгдэж байгаагүй томоохон хөрөнгө оруулалтууд хийгдэж, үйлдвэрийн үйл ажиллагаа өргөжин тэлсээр байна.

Сэтгүүлч
Т.Атарбаяр

Энэ мэдээ танд ямар санагдав?

0

0

0

0

0

0