БОЭТ-ийн дэргэд эрүүл мэндийг дэмжих төв байгуулагдана

Монгол улсын Засгийн газрын гишүүн Эрүүл мэндийн сайд Т.Мөнхсайхан анх удаа Орхон аймагт ажиллалаа.

        Тэрээр Орхон аймгийн Засаг даргын орлогч С.Батжаргал, А.Түвшинжаргал, Эрүүл мэндийн газрын даргыг түр орлогч Д.Сүхээ, БОЭТ-ийн захирал Батсүх нарын хамтаар Орхон аймагт үйл ажиллагаа явуулдаг эм, эмнэлгийн байгууллагын төлөөллүүдтэй уулзаж, санал сэтгэгдлийг нь сонсч мэдээлэл өглөө.

        Үүний дараа БОЭТ-ийн үйл ажиллагаатай танилцсан юм. Энэ үеэр тус төвийн үйл ажиллагааг сайжруулж Улаанбаатар хотын томоохон лавлагаа шатлалын төв эмнэлгийн хэмжээнд хүргэхэд хамтран ажиллаж, тусламж дэмжлэг үзүүлэхээ илэрхийлсэн.

     Мөн БОЭТ-ийн дэргэд  байгуулагдах эрүүл мэндийг дэмжих төвд шаардлагатай тоног төхөөрөмжөөр хангахаа мэдэгдсэн юм. Ингэснээр иргэд урьдчилан сэргийлэх үзлэгт хамрагдаж өвчний эрт илрүүлэг хийгдэх зэрэг асуудлууд бүрэн шийдэгдэх юм. 

       Түүнчлэн манай аймагт нэн тулгамдсан асуудал болох Зүрхний шигдээс, Тархины цус харвалтыг оношлох, эмчлэх нэг тэрбум 700 сая төгрөгийн аппаратыг шийдвэрлэхээр боллоо.

      Эм эмнэлгийн байгууллагын ажилчидтай уулзах үеэрээ эрүүл мэндийн тухай хууль, эмнэлгийн тусламжийн тухай хууль, эрүүл мэндийн даатгалын тухай хуулиудад нэлээдгүй өөрчлөлт орж байгааг дуулгаад гол заалтуудын талаар дэлгэрэнгүй мэдээлэл хийлээ.

       1-рт эрүүл мэндийн байгууллагуудын санхүүжилт өөрчлөгдөж байгаа. Урьд нь төсвөөс мөнгө авдаг, даатгалаас мөнгө авдаг байсан одоо нэг худалдан авагчийн тогтолцоонд шилжиж зөвхөн даатгалын сангаас үйл ажиллагааг санхүүжүүлнэ.

       2-рт Хөнгөлөлттэй эм олгох асуудал. Урьд нь зөвхөн даатгалын системд хамрагддаг эмийн сангууд хөнгөлөлттэй эм олгодог байсан бол 11-р сарын 1-ээс эхлэн жор бичдэг эмч бүр хөнгөлөлттэй эм бичих эрхтэй болж байгаа бөгөөд бүх эмийн сангуудаар олгогддог болж байгаа юм. Мөн хөнгөлөлттэй олгогддог эмийн жагсаалтад өөрчлөлт орж ард иргэдэд хүрч байгаа тусламж үйлчилгээний 80 орчим хувьд нь хөнгөлөлттэй эм олгогдох боломж бүрдэнэ.  

          3-рт Эм эмнэлгийн хэрэгслийн чанар аюулгүй байдал, худалдан авалтад хяналт тавих, цаашлаад чанар хүртээмжийг ахиулах зорилгоор 2021 оны 1-р сарын 1-ээс эм эмнэлгийн хэрэгслийн агентлагтай болж байгаа талаар тус тус танилцууллаа.

Энэ мэдээ танд ямар санагдав?
Уур минь хүрч байна
0
Харин л дээ
0
Хөөрхөн байна
0
Инээд хүрч байна
0
Харамсалтай байна
0
Гайхмаар байна
0

СЭТГЭГДЭЛ ҮЛДЭЭХ

зочин1
зочин2
зочин3
зочин4
зочин5
зочин6
зочин7
зочин8

АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.ErdenetLife.mn хариуцлага хүлээхгүй.