Erdenet LIFE

120 гаруй мянган хүн амтай Эрдэнэт хотод төвлөрсөн  худалдаа үйлчилгээний хуруу дарам цөөхөн газрууд бий.Олон жилийн ноёрхол тогтоосон "НОМИН" худалдааны төвөөс өөр томоохон  дэлгүүр үгүйлэгдэж буй. Эдийн засгийн чадамжтай хот гэгддэг Эрдэнэтийг зорих шинэ худалдааны төвүүд ирэх 2021 онд сүндэрлэн босч үүд хаалгаа нээхээр барилгын ажлууд хэдийн эхэлсэн байна. Тухайлбал Оргил худалдааны төв, ENCANTO цогцолбор,  Сансар сүлжээ их дэлгүүр,  Абсолют сүлжээ дэлгүүр,  Emart сүлжээ дэлгүүрүүд Эрдэнэтийг зорин айсуй. Эхний ээлжинд ашиглалтанд орохоор барилгын ажил эхэлсэн нь Оргил худалдааны төв,ENCANTO ,Сансар сүлжээ их дэлгүүр байгаа бол бусад сүлжээ дэлгүүрүүд газрын байршил сонгохоор ажиллаж байгаа аж.

Орчин үеийн гэр бүлүүд Их хотын завгүй хэмнэлтэй уралдан ачаалал ихтэй амьдарсаар удаж байна. Бид бүхэн хамгийн үнэт зүйл болох гэр бүлдээ тав тухтай орчинд амрах газрыг эрэлхийлдэг. Тэр ч утгаараа хүүхдийн тоглоомын аятайхан төв амттай хоолны газрыг зорихыг хүсдэг. Гэтэл Эрдэнэт хотод гэр бүлээрээ тухлах газар хомс байдаг нь нууц бишээ.Хот болохоор төлөвлөж буй энэ цаг үед хотын соёлыг түгээх өргөн сонголттой тав тухтай газрууд Эрдэнэтийг  зорин ирж буйд талархууштай.