Өндөржүүлсэн бэлэн байдлын зэрэгт шилжсэн хугацаанд Улаанбаатар хотоос гарах, хот руу орох хөдөлгөөнийг Монгол Улсын Шадар сайдын тушаалаар баталсан “Хот хоорондын зорчигч хөдөлгөөнийг зохион байгуулах тухай” түр журам, Нийслэлийн Засаг даргын 2021 оны А/06 дугаар  захирамжийн хүрээнд Улаанбаатар хотын авто тээврийн шалган нэвтрүүлэх товчоодын хөдөлгөөнийг дараах байдлаар зохицуулна гэжээ.Энэ нь зөвхөн Нийслэл рүү нэвтрэх зорчих хөдөлгөөний зохицуулалт юм.

Үүнд:

1. Улаанбаатар хотоос гарах хөдөлгөөн

Улаанбаатар хотоос аймаг, орон нутагт доорх зөвшөөрөгдсөн шалтгаанаар зорчигчид бүгд ПГУ буюу PCR шинжилгээний хариутай байна.

  • Хүнсний бүтээгдэхүүн тээвэрлэлтийн үйл ажиллагаа /жолооч, туслах жолоочийн ажлын үнэмлэх, хүнс нийлүүлэх гэрээ, баримт/
  • Шатахуун тээвэрлэлтийн үйл ажиллагаа /жолооч, туслах жолоочийн ажлын үнэмлэх, шатахуун тээвэрлэгч компанийн гэрээ, баримт/
  • Эм, эмнэлгийн хэрэгсэл /жолоочийн ажлын үнэмлэх, холбогдох зөвшөөрөл/
  • Эрүүл мэндийн үйлчилгээ /эмчийн магадлагаа/
  • Мал, амьтны өвс тэжээл тээвэрлэлтийн үйл ажиллагаа /холбогдох зөвшөөрөл/
  • Орон нутаг руу чиглэсэн оршуулгын үйл ажиллагаанд оролцох /Улсын Онцгой комиссын Шуурхай штабт хүсэлтээ гаргаж шийдвэрлүүлнэ/
  • Бусад шаардлага, нөхцөлөөр иргэд, аж ахуйн нэгж байгууллагуудын зорчих хүсэлтийг хүлээж авахгүй бөгөөд зайлшгүй гэж үзвэл тухайн орон нутгийн Онцгой комисстой зөвшилцөнө.

2. Улаанбаатар хот руу орох хөдөлгөөн

Сэлэнгэ аймгийн Сүхбаатар сум, Дорноговь аймгийн Замын-Үүд сумаас зорчиж буй иргэн, аж ахуйн нэгж байгууллагын төлөөлөл ПГУ буюу PCR шинжилгээний хариутай нэвтэрнэ. Бусад аймаг, орон нутгаас ирэх иргэдийг эрүүл мэндийн асуумжаар нэвтрүүлнэ.Ингэхдээ зөвхөн дээр дурдсан 5 шалтгаантай нэвтрэх иргэд бусад тохиолдолд аймгуудын онцгой комисстой зөвшилцсөны үндсэн дээр нэвтрүүлнэ гэв. 

Орхон аймгийн тухайд дээрх таван чиглэлд Улаанбаатар луу зорчих иргэдийн хөдөлгөөний хянахдаа Улаанбаатар хотоос ирэх болон явах иргэдээс PCR шинжилгээг авч байна. Учир нь УОК-оос нэгдсэн шийдвэр ирээгүй тул хариуг үндэслэж байгаа гэв. Нөгөө талаас энэ бол зөвхөн Улаанбаатар луу орох гарах хөдөлгөөнтэй холбоотой бус бусад аймаг хот руу явах хүсэлт гаргасан иргэдийн асуудлыг шийдвэрлэхдээ  дээрх заасан 5 чиглэлд явах хөдөлгөөнд заавал шинжилгээ авч нэвтрүүлнэ. Өдөрт Орхон аймагт 400 орчим PCR шинжилгээ хийж байгаа бөгөөд энэ нь явах хүсэлт гаргасан иргэдээс гадна тандалтын зарчимаар хийгдэж байгаа юм байна. Шуурхай штабаас өдөрт хоёр удаа иргэдийн хүсэлтийг бүртгүүлсэн хаягнаас хүлээн авч шийдвэрлэж хариуг өгсөөр байна гэв. Иргэд хүсэлтээ цахимаар буюу erdenet.mn онцгой комисс гэсэн цонхоор нэвтэрч өгч байхыг анхаарууллаа.

 

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 2

  • Шинэ мэдээ