Орхон аймгийн ЭМГ-ын Нийгмийн эрүүл мэндийн төвийн ахлах мэргэжилтэн А.Баярхүү өөрийн цахим хуудаснаа доорх мэдээллийг оруулжээ.

Улаанбаатарт нөхцөл байдал хүндэрсээр байгаатай холбогдуулан 2021 оны 1-р дүгээр сарын 20 ны өдрөөс хойш Орхон аймагт ирсэн иргэдийг хоёр  удаа шинжилгээнд хамруулахаар төлөвлөсөн ажлын хүрээнд өрхийн эрүүл мэндийн төвийнхөн бараг л 24 цаг утаснаас зүүгдэж тасралтгүй иргэдийн гар утас гэрийн хаяг зэрэгтэй холбогдож өндөр ачаалалтай ажиллаж байна. Гэрийн тусгаарлалтанд шилжсэн иргэдийн гар утас нь холбогдохгүй, ашиглалтад байхгүй, авахгүй гээд түмэн бэрхшээл туулж байна.

Арай гэж  утсаа авсан зарим иргэд бид тэр гэрийн ажиглалтад чинь байхгүй ээ. Авдаг арга хэмжээгээ аваарай, эмнэлэг домлогоор явж эрүүл мэндээ бодож байна гэж хариулж байна. Улаанбаатар  хотод дэгдэж байгаа цар тахал дандаа эрүүл мэндийн байгууллагуудыг дайрч хаалгыг нь бариулж байгааг энэ хүмүүс олж мэддэггүй юм болов уу? Эмнэлгүүдийн хаалгыг бариулна гэдэг чинь 100.000 хүн ам тэр чигээрээ эрсдэл хүлээнэ гэсэн үг. 

Нөгөө талаасаа эрүүл мэндийн салбарынхан сүржигнээд шинжилгээгээ өгөөд ирчихсэн иргэд, хүний эрхийг боогдуулаад хохироогоод байгаан байна гэж бодъё. Гэтэл өчигдөр Ховд аймаг руу мөн л шинжилгээндээ хамрагдаад сөрөг гараад явсан гурван  иргэн постон дээр тавьсан хурдавчилсан оношлуулаар эерэг гарч баталгаажсан тохиолдлыг юу гэж ойлгох уу? Орхон  аймаг Улаанбаатараас 2020 оны 12-р дугаар сараас 2021 оны 1-р сарын 27 ныг дуустал нийтдээ  3000 гаруй иргэн татаж авсан энэ тоогоор хурдавчилсан тест тавьж шалгах хянах боломж хомс, гол нь шинжилгээтэй иргэдийг чирэгдүүллээ гээд бөөн шүүмжлэл босно. Энэ мэт олон асуудал бидэнд тулгарч байна.Үүнд иргэдийн ухамсар хамгийн чухал үүрэг гүйцэтгэх ёстой.

Энэ МЭДЭЭ танд таалагдаж байвал Like хийгээрэй. Танд баярлалаа.
Манай САЙТ танд таалагдаж байвал Like хийгээрэй. Танд баярлалаа.

Сэтгэгдэл үлдээх

(*) - Заавал бөглөх.

Сэтгэгдэл 6

  • Шинэ мэдээ